Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Konferenciyalardıń nátiyjeleri boyınsha ashıq sáwbetlesiw ótkerildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 2024/2025-oqıw jılı dawamında shólkemlestirilgen Respublikalıq ilimiy-ámeliy konferenciyalardıń nátiyjeleri boyınsha ámelge asırılǵan jumıslardı analizlew hám aldaǵı rejelerdi belgilew maqsetinde ashıqtan-ashıq sóylesiw shólkemlestirildi. Ilajǵa filial basshıları, kafedra baslıqları, professor-oqıtıwshılar hám ilimiy bólim qánigeleri qatnastı.
Ashıqtan-ashıq sóylesiwdi Ilimiy isler hám innovaciyalar boyınsha direktor orınbasarı Sh.Avezimbetov kiris sóz benen ashtı hám alıp bardı. Sóylesiw dawamında bıyılǵı oqıw jılı dawamında Nókis filialında jámi 5 ilimiy-ámeliy konferenciya tabıslı shólkemlestirilgeni, sonnan birewi xalıqaralıq kólemde ótkerilgeni atap ótildi. Bul konferenciyalar joqarı dárejede shólkemlestirilip, olarda tek ǵana respublika kólemindegi emes, al sırt el joqarı bilimlendiriw hám ilimiy-izertlew mákemelerinen de professor-oqıtıwshılar belsene qatnasqan.
Bul ilimiy ánjumanlardıń shólkemlestiriwshilik hám mazmunı jaǵınan joqarı dárejede ótiwinde filial quramındaǵı kafedralar salmaqlı úles qosqanlıǵın ayrıqsha atap ótiw kerek. Hár bir kafedra óziniń ilimiy baǵdarına sáykes temalardı anıqlaw, bayanatshılardı tartıw, tezis hám maqalalardı saylap alıw, olardı ilimiy toplam túrinde baspaǵa tayarlaw processlerinde belsene qatnasqan.
Bul bolsa filialda ilimiy ortalıqtı jáne de janlandırıw, jas izertlewshilerdi xoshametlew hám ilimge bolǵan qızıǵıwshılıqtı kúsheytiwge xızmet etpekte. Ashıqtan-ashıq sóylesiwde sonday-aq, ámeldegi jetiskenlikler menen birge, keleshekte konferenciyalardıń kólemi hám sapası jáne de arttırılıwı, olardı xalıqaralıq standartlarǵa sáykes halda shólkemlestiriw, ilimiy maqalalardıń sapa kórsetkishlerin jaqsılaw hám olar tiykarında ámeliy joybarlardı qáliplestiriw zárúrligi haqqında pikirler bildirildi.
Ilaj juwmaǵında filial basshıları tárepinen konferenciyalar sanın arttırıw, ilimiy maqalalardı xalıqaralıq bazalarda indekslengen jurnallarda basıp shıǵarıw, jas ilimpazlar hám magistrantlardıń ilimiy jumısın jáne de xoshametlew boyınsha anıq wazıypalar belgilep alındı.
