Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Haq jol, áziz pitkeriwshi!" -filialda diplom tapsırıw máresimi bolıp ótti
2025-jıl 21-iyul kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Haq jol, áziz pitkeriwshi!" súreni astında pitkeriwshilerge diplom tapsırıw máresimi bolıp ótti. Ilaj kóterińki ruwxta, bayram keypiyatında shólkemlestirildi.
Máresimde filial basshıları, Ózbekstan Respublikası hám Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, bilimlendiriw mákemesiniń tayanısh oqıw ornı wákilleri, sonday-aq, Qubla Ural mámleketlik agrar universiteti Agrosanaat institutı Agrotexnologiya hám ekologiya kafedrasınıń docenti, texnika ilimleriniń kandidatı A.Shabunin, professor-oqıtıwshılar, pitkeriwshiler hám olardıń ata-anaları qatnastı. Ilajdı filial direktorı, professor A.Esimbetov kiris sóz benen ashtı. Ol barlıq pitkeriwshilerge qızǵın tilekler bildirip, olardı úlken ómir jolındaǵı dáslepki qádemleri menen qutlıqladı. - Búgin sizler ómirińizdegi eń áhmiyetli basqıshlardan birin juwmaqlamaqtasız. Endi siz biziń izimizden erip kiyatırǵan jańa áwladsız. Sizlerden elimizdiń rawajlanıwı ushın jáne de joqarı nátiyjeler, baslamalar, pidayılıq hám bilim kútemiz. Ármanlarıńızǵa qaray bálent párwaz etiń, keleshekte jurt maqtanıshına aylanıń - dedi A.Esimbetov.
Ilaj dawamında Ózbekstan Respublikası Veterinariya hám sharwashılıqtı rawajlandırıw komitetiniń baslıǵı B.Norqobilovtıń pitkeriwshilerge jollaǵan qızǵın qutlıqlawı Ilim hám bilimlendiriw tarawın rawajlandırıw basqarmasınıń baslıǵı A.Safarov tárepinen videokonferenciya arqalı oqıp esittirildi. Sonday-aq, tayanısh oqıw ornı - Samarqand mámleketlik veterinariya medicinası, sharwashılıq hám biotexnologiyalar universiteti rektorı X.YUnusov ta ilajǵa onlayn túrde qosılıp, pitkeriwshilerge óziniń jaqsı tileklerin jolladı.
Máresimniń rámziy hám ruwxıy jaqtan áhmiyetli bólimlerinen biri - pitkeriwshi studentler tárepinen "Veterinariya antı"n saltanatlı túrde qabıl etiw boldı. Bul minutlar tek ǵana pitkeriwshiler ushın emes, al olardıń ata-anaları hám ustazları ushın da maqtanıshqa bay máwritlerge aylandı. Ilajdıń eń kulminaciyalıq noqatı - diplomlardı saltanatlı tapsırıw máresimi boldı. Bayram ruwxında ótken bul qısqa, biraq mazmunlı demler hár bir pitkeriwshiniń kewlinde umıtılmas iz qaldırdı.
Maǵlıwmat ornında aytıw kerek, usı jılı Nókis filialınıń kúndizgi tálim túri boyınsha 4 qánigelik baǵdarında jámi 297 bakalavr, magistratura boyınsha bolsa 9 pitkeriwshige diplom tapsırıldı.
Bul eldiń keleshegi - jaslardıń qolında. Filial jámááti búgingi pitkeriwshilerdiń hár biri erteńgi kúnde pidayı, bilimli, juwapkershilikli qánige, Watanǵa sadıq perzent bolıp jetisip shıǵıwına isenedi. Olarǵa aq jol, aydın keleshek hám sheksiz áwmet tileymiz!
Máresimde filial basshıları, Ózbekstan Respublikası hám Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, bilimlendiriw mákemesiniń tayanısh oqıw ornı wákilleri, sonday-aq, Qubla Ural mámleketlik agrar universiteti Agrosanaat institutı Agrotexnologiya hám ekologiya kafedrasınıń docenti, texnika ilimleriniń kandidatı A.Shabunin, professor-oqıtıwshılar, pitkeriwshiler hám olardıń ata-anaları qatnastı. Ilajdı filial direktorı, professor A.Esimbetov kiris sóz benen ashtı. Ol barlıq pitkeriwshilerge qızǵın tilekler bildirip, olardı úlken ómir jolındaǵı dáslepki qádemleri menen qutlıqladı. - Búgin sizler ómirińizdegi eń áhmiyetli basqıshlardan birin juwmaqlamaqtasız. Endi siz biziń izimizden erip kiyatırǵan jańa áwladsız. Sizlerden elimizdiń rawajlanıwı ushın jáne de joqarı nátiyjeler, baslamalar, pidayılıq hám bilim kútemiz. Ármanlarıńızǵa qaray bálent párwaz etiń, keleshekte jurt maqtanıshına aylanıń - dedi A.Esimbetov.
Ilaj dawamında Ózbekstan Respublikası Veterinariya hám sharwashılıqtı rawajlandırıw komitetiniń baslıǵı B.Norqobilovtıń pitkeriwshilerge jollaǵan qızǵın qutlıqlawı Ilim hám bilimlendiriw tarawın rawajlandırıw basqarmasınıń baslıǵı A.Safarov tárepinen videokonferenciya arqalı oqıp esittirildi. Sonday-aq, tayanısh oqıw ornı - Samarqand mámleketlik veterinariya medicinası, sharwashılıq hám biotexnologiyalar universiteti rektorı X.YUnusov ta ilajǵa onlayn túrde qosılıp, pitkeriwshilerge óziniń jaqsı tileklerin jolladı.
Máresimniń rámziy hám ruwxıy jaqtan áhmiyetli bólimlerinen biri - pitkeriwshi studentler tárepinen "Veterinariya antı"n saltanatlı túrde qabıl etiw boldı. Bul minutlar tek ǵana pitkeriwshiler ushın emes, al olardıń ata-anaları hám ustazları ushın da maqtanıshqa bay máwritlerge aylandı. Ilajdıń eń kulminaciyalıq noqatı - diplomlardı saltanatlı tapsırıw máresimi boldı. Bayram ruwxında ótken bul qısqa, biraq mazmunlı demler hár bir pitkeriwshiniń kewlinde umıtılmas iz qaldırdı.
Maǵlıwmat ornında aytıw kerek, usı jılı Nókis filialınıń kúndizgi tálim túri boyınsha 4 qánigelik baǵdarında jámi 297 bakalavr, magistratura boyınsha bolsa 9 pitkeriwshige diplom tapsırıldı.
Bul eldiń keleshegi - jaslardıń qolında. Filial jámááti búgingi pitkeriwshilerdiń hár biri erteńgi kúnde pidayı, bilimli, juwapkershilikli qánige, Watanǵa sadıq perzent bolıp jetisip shıǵıwına isenedi. Olarǵa aq jol, aydın keleshek hám sheksiz áwmet tileymiz!
