Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Áhmiyetli 90 kún" sheńberinde shaxmat hám shashka boyınsha jarıs shólkemlestirildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında jaslardı hár tárepleme bárkamal etip tárbiyalaw, olardıń bos waqıtların mazmunlı shólkemlestiriw, salamat turmıs tárizine baǵdarlaw hám intellektuallıq potencialın arttırıw maqsetinde sistemalı jumıslar ámelge asırılmaqta. Ásirese, "Áhmiyetli 90 kún" bir qatar ruwxıy, mádeniy hám sport ilajları ótkerilmekte. Mine, usınday iygilikli baslama sheńberinde student-jaslardı sportqa keńnen tartıw, olar arasında salamat báseki ortalıǵın qáliplestiriw maqsetinde sporttıń intellektuallıq baǵdarları - shaxmat hám shashka boyınsha jarıs shólkemlestirildi.
Bul jarısta Zooinjeneriya (qarakólshilik) baǵdarınıń 3-basqısh, 307-topar studentleri belsene qatnastı. Jarıs dawamında studentler ózleriniń logikalıq pikirlew qábileti, operativ qarar qabıl etiw kónlikpeleri hám strategiyalıq kózqarasların kórsetti. Intellektuallıq bellesiwler qızǵın ruwxta ótti. Jarıs juwmaqları boyınsha tómendegi nátiyjelerge erisildi:
1-orın - M.Sársenbaev;
2-orın - J.Eshniyazova;
3-orın - Z.Allambergenova.
Jeńimpaz qatnasıwshılar estelik sawǵaları menen sıylıqlandı.
Ilaj sońında Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliyev shıǵıp sóylep, student-jaslar arasında sporttıń túrli baǵdarların ǵalaba en jaydırıw, olardı salamat turmıs tárizine baǵdarlaw baǵdarındaǵı bunday baslamalardıń áhmiyeti úlken ekenin atap ótti. Bul jarıs tek ǵana studentlerdiń bos waqtın mazmunlı ótkeriwge xızmet etip qoymastan, al olar arasında doslıq, jámáátlik hám salamat báseki ruwxın qáliplestirdi. Sonday-aq, studentlerdiń aqılıy potencialın rawajlandırıwǵa da múnásip úles qostı.
Jarıs jeńimpazların qutlıqlaymız hám olarǵa oqıw hám jeke ómirlerinde úlken tabıslar tileymiz!
Bul jarısta Zooinjeneriya (qarakólshilik) baǵdarınıń 3-basqısh, 307-topar studentleri belsene qatnastı. Jarıs dawamında studentler ózleriniń logikalıq pikirlew qábileti, operativ qarar qabıl etiw kónlikpeleri hám strategiyalıq kózqarasların kórsetti. Intellektuallıq bellesiwler qızǵın ruwxta ótti. Jarıs juwmaqları boyınsha tómendegi nátiyjelerge erisildi:
1-orın - M.Sársenbaev;
2-orın - J.Eshniyazova;
3-orın - Z.Allambergenova.
Jeńimpaz qatnasıwshılar estelik sawǵaları menen sıylıqlandı.
Ilaj sońında Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliyev shıǵıp sóylep, student-jaslar arasında sporttıń túrli baǵdarların ǵalaba en jaydırıw, olardı salamat turmıs tárizine baǵdarlaw baǵdarındaǵı bunday baslamalardıń áhmiyeti úlken ekenin atap ótti. Bul jarıs tek ǵana studentlerdiń bos waqtın mazmunlı ótkeriwge xızmet etip qoymastan, al olar arasında doslıq, jámáátlik hám salamat báseki ruwxın qáliplestirdi. Sonday-aq, studentlerdiń aqılıy potencialın rawajlandırıwǵa da múnásip úles qostı.
Jarıs jeńimpazların qutlıqlaymız hám olarǵa oqıw hám jeke ómirlerinde úlken tabıslar tileymiz!
Málimleme xızmeti
