Jaslar bayramına direktor qutlıqlawı
Jámiyetimizdiń súyenishi, erteńgi jarqın kúnlerimizdiń tiykarı bolǵan áziz jaslar! Sizlerdi 30-iyun - Jaslar kúni bayramı menen shın kewlimnen qızǵın qutlıqlayman!
Búgingi kúnde Prezidentimizdiń basshılıǵında elimizde jaslarǵa baylanıslı mámleketlik siyasat jańa basqıshqa kóterilip, olardıń hár tárepleme kamalǵa keliwi, bilim hám kásip-óner iyelewi, baslamaların turmısqa engiziwi ushın keń imkaniyatlar jaratılmaqta. Jaslardıń umtılısları, arzıw-niyetleri mámleketlik siyasattıń tiykarǵı baǵdarına aylanǵanınıń ózi-aq búgingi Ózbekstannıń erteńgi aydın keleshegine bolǵan bekkem isenimniń ayqın kórinisi bolıp esaplanadı. Mámleketimiz basshısı Shavkat Mirziyoyev búgin jaslar kúni múnásibeti menen jaslar menen ushırasıwda shıǵıp sóylep, tómendegishe pikir bildirdi:
"Jaslıqta alınǵan bilim - tasqa oyılǵan naǵıs, keleshek ushın tiykar degeni. Tayanısh qanshelli bekkem bolsa, ómirińiz, baxtıńız imaratı sonshelli sawlatlı boladı."
Bul tereń sózler hár bir jastıń qálbinde kúshli juwapkershilik hám isenim oyatadı. Sebebi, búgin jaslar tek ǵana bilim alıp emes, al Watanımızdıń rawajlanıwına tikkeley úles qosıp atırǵan dóretiwshi kúshke aylanbaqta. Mine, usınday isenimdi aqlaw jolında hár bir jastan pidayılıq, umtılıs hám isenim talap etiledi.
Házirgi waqıtta Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında 1000 nan aslam student bilim alıp atırǵanın maqtanısh penen aytıwımız múmkin. Filialda jumıs alıp barıp atırǵan pedagog hám xızmetkerlerdiń derlik 40 procentin jaslar qurap atırǵanı bolsa jaslarımızǵa bolǵan itibar hám isenimniń ámeliy úlgisi bolıp esaplanadı.
Jaqında, 27-iyun - Baspasóz hám ǵalaba xabar quralları xızmetkerleri kúni múnásibeti menen qábiletli jas xızmetkerimiz Qaraqalpaqstan Respublikası Joqarǵı Keńesi Prezidiumınıń 2025-jıl 26-iyundaǵı 267-sanlı qararı tiykarında "Úmit ushqını" kókirek belgisi menen sıylıqlanǵanı pútkil jámáátimiz ushın maqtanıshlı waqıya boldı.
Sonday-aq, Jaslar kúni aldınan filialımızdıń bilimli, izleniwsheń hám intaker eki studenti de usı joqarı sıylıqqa miyasar boldı. Bul bolsa aramızda qábiletli, úlgili hám pidáyı jaslar kóp ekenligin jáne bir márte tastıyıqlaydı. Áziz jaslar!
Siz - Watanımız kelesheginiń dóretiwshisi, jámiyetimizdiń tayanıshı hám maqtanıshısız! Siziń ilimge qushtarlıǵıńız, intańız, watanǵa sadıqlıǵıńız bizdi bárqulla quwandırıp kelmekte.
Sizge aldaǵı jumısıńızda úlken tabıslar, bekkem densawlıq, áwmet hám baxıt yar bolıwın tileymen. Jaslar kúni bárshemizge múbárek bolsın!
Húrmet penen,
filialı direktorı, professor A.Esimbetov
скачать dle 12.1
Telefon
E-mail
