O‘quv kursi davom etmoqda: ikkinchi kun tafsilotlari
21 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jas hám intalı basshı "Úmit ushqını" kókirek belgisi menen sıylıqlandı
27-iyun - Ózbekstan Baspasóz hám ǵalaba xabar quralları xızmetkerleri kúni múnásibeti menen Qaraqalpaqstan Respublikasında dóretiwshilerdiń kásiplik bayramına baǵıshlanǵan saltanatlı ilaj bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jurnalist hám blogerlerdi bayram menen qızǵın qutlıqladı.
Ol ǵalaba xabar quralları wákilleriniń jámiyetlik turmıstaǵı ornı, málimleme mákanın rawajlandırıwdaǵı xızmetlerin ayrıqsha atap ótti. Bayram múnásibeti menen bir qatar pidayı jurnalistler hám baspasóz xızmetkerleri "Qaraqalpaqstan Respublikasına xızmet kórsetken jurnalist" húrmetli ataǵı, "Watan pidayısı" hám "Úmit ushqını" kókirek belgileri, húrmet jarlıqları hám estelik sawǵaları menen sıylıqlandı.
Quwanıshlı tárepi, sıylıqlanǵanlar qatarında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Málimleme xızmetiniń baslıǵı Z.Xojamuratova da bar. Ol óz jumısına juwapkershilikli, professional hám zamanagóy qatnas jasawı, málimlemeni jedel hám anıq sáwlelendiriwdegi belsendiligi menen ajıralıp turadı. Sonıń ushın da ol Qaraqalpaqstan Respublikası Joqarǵı Keńesi Prezidiumınıń 2025-jıl 26-iyundaǵı 267-sanlı qararına tiykarlanıp "Úmit ushqını" kókirek belgisi menen sıylıqlandı. Bul sıylıq - jas qánigeniń pidákerlik miyneti, intası, málimleme tarawındaǵı nátiyjeli jumısı hám dóretiwshilik qatnasına berilgen múnásip baha bolıp esaplanadı. Z.Xojamuratova bul sıylıqqa óziniń ámeliy jumısları, jámiyetshilik penen nátiyjeli málimleme baylanısları, áhmiyetli jańalıqlardı sapalı sáwlelendiriwdegi belsene qatnasıwı menen tolıq múnásip bolıp esaplanadı.
Filial jámááti atınan Z.Xojamuratovanı bul jetiskenlik penen shın júrekten qutlıqlaymız! Jas, ziyrek hám juwapkershilikli qánige sıpatında erisken bul joqarı itibar - siziń miynet súygishligińiz, isenimliligińiz hám jańalıqqa umtılısıńızdıń nátiyjesi bolıp esaplanadı. Jańa sheklerge, jańa imkaniyatlarǵa jolıńız ashıq bolsın!
Dóretiwshiligińiz turaqlı, ilhamıńız kúshli, isenim hám itibar bárqulla joldasıńız bolsın! Keleshekte de málimleme maydanında jańasha ideya hám baslamalar menen jaynap, elimizdiń málimleme siyasatına múnásip úles qosatuǵınıńızǵa isenemiz!
