O‘quv kursi davom etmoqda: ikkinchi kun tafsilotlari
21 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Koreya tájiriybesi Nókis filialında: KOICA menen birge islesiw ámeliy basqıshqa ótpekte
Usı jıldıń 25-iyun kúni Tashkent qalasındaǵı Intercontinental miymanxanasında KOICA Ózbekstan wákilxanası tárepinen 2025-jıl KOICA Volontyorlar baǵdarlaması sheńberinde Birge islesiwshi shólkemler Konferenciyası tabıslı shólkemlestirildi. Konferenciyada Ózbekstan Respublikası Investiciyalar, sanaat hám sawda ministrligi, Joqarı bilimlendiriw, ilim hám innovaciyalar ministrligi wákilleri, sonday-aq, pútkil mámleket boylap 21 birge islesiwshi joqarı bilimlendiriw mákemeleriniń wákilleri qatnastı. Bul konferenciya KOICA hám Ózbekstandaǵı birge islesiwshi shólkemler arasında óz-ara birge islesiwdi bekkemlew, volontyorlar joybarlarınıń turaqlılıǵı hám nátiyjeliligin arttırıw, sonday-aq, xalıqaralıq tájiriybe almasıw imkaniyatların keńeytiw maqsetinde ótkerildi.
Ilajda belsene qatnasqan mákemeler qatarında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı ayrıqsha itibarǵa ılayıq boldı. Filial direktorı, professor A.Esimbetov basshılıǵındaǵı delegaciya quramında Ilimiy-izertlewler, innovaciyalar hám ilimiy-pedagogikalıq kadrlar tayarlaw bólimi baslıǵı A.Mambetnazarov ta qatnasıp, KOICA wákilxanasınıń basshıları menen nátiyjeli ushırasıwlar hám kelisimler ótkerdi. Sóylesiwler waqtında, 2025-2026-oqıw jılında Koreya Respublikasınan tájiriybeli oqıtıwshılardı awıl xojalıǵı, sharwashılıq hám balıqshılıq baǵdarları boyınsha sabaq shınıǵıwların alıp barıw ushın Nókis filialına jiberiw boyınsha anıq usınıslar alǵa qoyıldı.
Sonday-aq, eki tárepleme birge islesiw tiykarında ilimiy hám ámeliy baǵdarlarda qospa baslamalar, tájiriybe almasıw, innovaciyalıq joybar hám baǵdarlamalardı birgelikte ámelge asırıw boyınsha áhmiyetli kelisimlerge erisildi. KOICA menen ornatılıp atırǵan birge islesiw, atap aytqanda, Volontyorlar baǵdarlaması sheńberinde koreyalı qánigelerdiń sabaq beriwi, Nókis filialında bilimlendiriwdiń sapasın arttırıw, xalıqaralıq ilimiy-innovaciyalıq ortalıqtı qáliplestiriw, studentler ushın zamanagóy bilim hám kónlikpelerdi iyelew imkaniyatın beredi. Nókis filialınıń usı iri konferenciyadaǵı belsene qatnasıwı, tek ǵana mákemeniń abırayın arttırıp qoymastan, al Ózbekstan joqarı bilimlendiriw sistemasında xalıqaralıq birge islesiwdiń ámeliy kórinisine aylanıwına xızmet etti. KOICA menen alıp barılǵan sóylesiwler tiykarında filialda ámelge asırılıwı kútilip atırǵan joybarlar, jaqın jıllarda regionallıq dárejedegi aldınǵı bilimlendiriw orayına aylanıwǵa áhmiyetli qádem bolıp xızmet etedi.
