O‘quv kursi davom etmoqda: ikkinchi kun tafsilotlari
21 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qálem hám júrek birleskende: dóretiwshi hám jaslar
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Áhmiyetli 90 kún" sheńberindegi gezektegi ruwxıy-aǵartıwshılıq ilaj - "Dóretiwshi hám jaslar" atamasındaǵı qızǵın ushırasıw bolıp ótti. Ilaj Málimleme-resurs orayı xızmetkerleriniń baslaması menen shólkemlestirilip, bárshege jıllı sezimler baǵıshladı. Ushırasıwdıń miymanı - Ózbekstan hám Qaraqalpaqstan Jazıwshılar awqamınıń aǵzası, júreginen tuwǵan hár bir qatardı xalıqtıń dártine aylandırıp jazatuǵın talantlı shayır S.Sırǵabaeva boldı. Ilajdı filialdıń ilimiy isler hám innovaciyalar boyınsha direktor orınbasarı Sh.Avezimbetov kiris sóz benen ashıp, bunday ruwxıy sóylesiwler jas áwlad ushın turmıslıq sabaq ekenin atap ótti.
Bunnan soń Málimleme xızmetiniń basshısı Z.Xojamuratova hám Málimleme-resurs orayınıń basshısı Z.Erlepesova shıǵıp sóylep, shayırdıń ómir jolı, dóretiwshilik mektebi hám kórkem dúnyaqarası haqqında jıllı pikirler bildirdi.
Shayır menen bolǵan sóylesiw oǵada tolqınlandırıwshı hám ilhamlandırıwshı boldı. Studentler poeziyanıń tiykarǵı mazmunı, kewilden shıǵatuǵın sózdiń kúshi haqqında sorap, ózlerin qıynap atırǵan sorawlarǵa juwap aldı. Al, shayır bolsa, olarǵa ápiwayı, biraq júrekke batatuǵın sózler menen juwap berdi: "Ádebiyat - bul júrek dawısı. Onda máp izlew - kewildi qara bult penen qaplaw. Dóretiwshi - máp izlemeydi, ol júregin ashadı, dártin sózge shıǵaradı, xalıqtıń dártin qatarǵa jaylaydı," – deydi Saxibjamal Sırǵabaeva. Ushırasıw sońında shayırdıń ózi jazǵan "Sóz bándirgisi" atamasındaǵı qosıqlar toplamı filial kitapxanasına sawǵa etildi. Sonday-aq, eń belsene qatnasqan, mazmunlı sorawı menen ajıralıp turǵan student-jaslarǵa da shayırdıń "Sóz bándirgisi" kitabı estelik sawǵası sıpatında tapsırıldı.
Ilaj dawamında studentler ózleriniń qosıqların oqıp, dóretiwshi menen pikir alıstı. Ushırasıw tek ǵana sóz ónerine ashıq kewillerdi oyatıp qoymastan, al jaslardıń ruwxıy dúnyasına jańa bir jaqtılıq alıp kirdi.
Bunday ushırasıwlar dóretiwshilikke qushtar kewillerge suw shashadı, mánawiyatın bayıtadı hám ásirese, óz jolın endi baslap atırǵan jaslar ushın ustazlıq másláhátler mektebine aylanadı.
Bunnan soń Málimleme xızmetiniń basshısı Z.Xojamuratova hám Málimleme-resurs orayınıń basshısı Z.Erlepesova shıǵıp sóylep, shayırdıń ómir jolı, dóretiwshilik mektebi hám kórkem dúnyaqarası haqqında jıllı pikirler bildirdi.
Shayır menen bolǵan sóylesiw oǵada tolqınlandırıwshı hám ilhamlandırıwshı boldı. Studentler poeziyanıń tiykarǵı mazmunı, kewilden shıǵatuǵın sózdiń kúshi haqqında sorap, ózlerin qıynap atırǵan sorawlarǵa juwap aldı. Al, shayır bolsa, olarǵa ápiwayı, biraq júrekke batatuǵın sózler menen juwap berdi: "Ádebiyat - bul júrek dawısı. Onda máp izlew - kewildi qara bult penen qaplaw. Dóretiwshi - máp izlemeydi, ol júregin ashadı, dártin sózge shıǵaradı, xalıqtıń dártin qatarǵa jaylaydı," – deydi Saxibjamal Sırǵabaeva. Ushırasıw sońında shayırdıń ózi jazǵan "Sóz bándirgisi" atamasındaǵı qosıqlar toplamı filial kitapxanasına sawǵa etildi. Sonday-aq, eń belsene qatnasqan, mazmunlı sorawı menen ajıralıp turǵan student-jaslarǵa da shayırdıń "Sóz bándirgisi" kitabı estelik sawǵası sıpatında tapsırıldı.
Ilaj dawamında studentler ózleriniń qosıqların oqıp, dóretiwshi menen pikir alıstı. Ushırasıw tek ǵana sóz ónerine ashıq kewillerdi oyatıp qoymastan, al jaslardıń ruwxıy dúnyasına jańa bir jaqtılıq alıp kirdi.
Bunday ushırasıwlar dóretiwshilikke qushtar kewillerge suw shashadı, mánawiyatın bayıtadı hám ásirese, óz jolın endi baslap atırǵan jaslar ushın ustazlıq másláhátler mektebine aylanadı.
Málimleme xızmeti
