O‘quv kursi davom etmoqda: ikkinchi kun tafsilotlari
21 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Korrupciyaǵa qarsı gúresiw temasında ashıq sóylesiw shólkemlestirildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında bilimlendiriwdiń sapasın arttırıw, hadallıq principlerin bekkemlew hám korrupciyalıq jaǵdaylardıń aldın alıw maqsetinde professor-oqıtıwshılar hám xızmetkerlerdiń qatnasıwında ashıqtan-ashıq sóylesiw ótkerildi.
Ilajdı oqıw isleri boyınsha direktor orınbasarı Q.Atanazarov alıp bardı. Ol óziniń shıǵıp sóylegen sózinde korrupciyanıń jámiyettiń rawajlanıwına unamsız tásiri, joqarı bilimlendiriw sistemasındaǵı qáwipli faktorlar, olardı saplastırıw mexanizmleri haqqında sóz etti. Sonday-aq, filialda korrupciyanıń aldın alıw boyınsha alıp barılıp atırǵan profilaktikalıq hám qadaǵalaw ilajları haqqında maǵlıwmat berdi.
Sóylesiw dawamında profilaktika inspektorı, kapitan Q.Qayıpnazarov korrupciya túsinigi, oǵan baylanıslı nızamshılıq normaları, juwapkershilik ilajları hám bul baǵdardaǵı ámeliy tájiriybeler haqqında hár tárepleme túsindirip berdi. Ol imtixanlar processinde hár qanday nızamsız háreketlerge jol qoymaw, oqıtıwshı hám studentler arasında hadallıq hám ashıq-aydınlıq principlerine qatań ámel etiw zárúrligin ayrıqsha atap ótti.
Sonday-aq, "Veterinariya hám zooinjeneriya" fakulteti dekanı A.Kaniyazov shıǵıp sóylep, korrupciyaǵa qarsı gúresiwde hár bir pedagog xızmetkerdiń jeke juwapkershiligi hám puqaralıq poziciyası áhmiyetli orın iyeleytuǵının atap ótti. Ol jaqınlasıp kiyatırǵan juwmaqlawshı qadaǵalaw imtixanlarınıń ádil, ashıq-aydın hám nızamlı tiykarda ótiwin támiyinlewde barlıq xızmetkerler juwapkershilikli bolıwı kerek ekenligin atap ótti.
Ashıq sóylesiw dawamında qatnasıwshılar óz pikir-usınısların bildirip, ámeliy usınıslar menen shıqtı. Korrupciyanı tamırına jetip joq etiw ushın bilimlendiriw mákemelerinde sistemalı qatnas, nızamlılıq, ádep-ikramlılıq principleri hám ashıq-aydınlıq ortalıǵın kúsheytiw zárúr ekenligi atap ótildi. Ilaj juwmaǵında korrupciyanıń hár qanday kórinisine qarsı gúresiw, onıń aldın alıwda hár bir xızmetker hám pedagogikalıq jámááttiń belsene qatnasıwı zárúr ekenligi jáne bir márte atap ótildi. Bul ashıqtan-ashıq sóylesiw - Nókis filialında hadallıq, ashıq-aydınlıq hám ádillik principlerin bekkemlewge qaratılǵan sistemalı jumıslardıń logikalıq dawamı boldı.
