O‘quv kursi davom etmoqda: ikkinchi kun tafsilotlari
21 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Pitkeriwshilerdiń bilim hám potencialı diplom qorǵawda júzege shıqtı
2025-jıl 19-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında pitkeriwshi basqısh studentleri ózleriniń diplom jumısların tabıslı qorǵadı. Bul process filialdaǵı ilimiy-akademiyalıq turmıstıń eń áhmiyetli basqıshlarınan biri bolıp esaplanadı. Usı kúni "Veterinariya medicinası" hám "Zooinjeneriya" baǵdarlarında oqıp atırǵan 16 pitkeriwshi student óz ilimiy izertlewleriniń nátiyjesin usındı. Hár bir student óz ilimiy basshısı járdeminde tańlaǵan teması boyınsha tereń tallaw hám usınıslar tiykarında tayarlanǵan diplom jumısın qorǵadı. Usı múnásibet penen pitkeriwshi basqısh studenti Iroda Tursınbaeva tómendegishe pikir bildirdi:
—Men tórt jıl dawamında studentlik ómirimdi belsendilik penen ótkerdim, ilim alıwda jalıqpadım, turaqlı izlendim. Búgin bolsa sol miynetlerim óz nátiyjesin berdi - diplom jumısımdı ayrıqsha bahaǵa qorǵadım. Bul meniń ómirimdegi eń umıtılmas kúnlerden biri boldı. Ustazlarıma, doslarıma hám pútkil jámáátke tereń minnetdarshılıq bildiremen. Maǵlıwmat ushın, usı jılı filial boyınsha 281 pitkeriwshi student juwmaqlawshı mámleketlik attestaciya imtixanların tapsırdı. Bul bolsa bilimlendiriw procesiniń nátiyjeliligi hám sapasınan dárek beredi.
Filial basshıları hám professor-oqıtıwshıları bul processti ádil, ashıq-aydın hám joqarı dárejede ótkeriw ushın barlıq zárúr sharayatlardı jarattı.
Pitkeriwshiler ushın bul process - tek ǵana ilimiy jumısın qorǵaw emes, al erkin turmısqa isenimli qádem taslaw, kásiplik jumıstıń dáslepki tırnaǵın qoyıw bolıp esaplanadı.
Barlıq pitkeriwshilerge aldaǵı jumıslarında áwmet, kúsh-ǵayrat hám úlken tabıslar tileymiz!
—Men tórt jıl dawamında studentlik ómirimdi belsendilik penen ótkerdim, ilim alıwda jalıqpadım, turaqlı izlendim. Búgin bolsa sol miynetlerim óz nátiyjesin berdi - diplom jumısımdı ayrıqsha bahaǵa qorǵadım. Bul meniń ómirimdegi eń umıtılmas kúnlerden biri boldı. Ustazlarıma, doslarıma hám pútkil jámáátke tereń minnetdarshılıq bildiremen. Maǵlıwmat ushın, usı jılı filial boyınsha 281 pitkeriwshi student juwmaqlawshı mámleketlik attestaciya imtixanların tapsırdı. Bul bolsa bilimlendiriw procesiniń nátiyjeliligi hám sapasınan dárek beredi.
Filial basshıları hám professor-oqıtıwshıları bul processti ádil, ashıq-aydın hám joqarı dárejede ótkeriw ushın barlıq zárúr sharayatlardı jarattı.
Pitkeriwshiler ushın bul process - tek ǵana ilimiy jumısın qorǵaw emes, al erkin turmısqa isenimli qádem taslaw, kásiplik jumıstıń dáslepki tırnaǵın qoyıw bolıp esaplanadı.
Barlıq pitkeriwshilerge aldaǵı jumıslarında áwmet, kúsh-ǵayrat hám úlken tabıslar tileymiz!
