SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Áhmiyetli 90 kún" sheńberinde intellektuallıq sport bellesiwi

"Áhmiyetli 90 kún" joybarı sheńberinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslardıń bos waqıtların mazmunlı shólkemlestiriw, olardı salamat turmıs tárizine baǵdarlaw, pikirlew mádeniyatın rawajlandırıw maqsetinde bir qatar sport ilajları ótkerilmekte.

Usı múnásibet penen filialda Jaslar awqamı baslanǵısh shólkemi jetekshisiniń baslaması menen gezektegi sport jarısı - "Direktor kubogi" súreni astında ul balalar arasında shaxmat hám shashka túrleri boyınsha shólkemlestirildi. Jarıs procesinde studentler ózleriniń logikalıq pikirlew qábiletin, tez qarar qabıl etiw potencialın hám sportqa bolǵan joqarı qızıǵıwshılıǵın kórsetti. Ásirese, hár bir júris artında tereń oylanǵan strategiyalar, sabır-taqat hám intellektuallıq gúres ortalıqtı jáne de bay hám qızıqlı ruwxta ótiwine sebep boldı.

Ilaj sońında jeńimpazlar anıqlanıp, shólkemlestiriwshiler tárepinen diplom menen sıylıqlandı. Bul jarıs jaslar arasında sportqa bolǵan qızıǵıwshılıqtı arttırıw, salamat báseki ortalıǵın qáliplestiriw, logikalıq pikirlew hám oy-pikirdi jetilistiriw, sonday-aq, bos waqıttı mazmunlı ótkeriw jolında jáne bir nátiyjeli baslama boldı.

"Áhmiyetli 90 kún" joybarı sheńberinde shólkemlestirilip atırǵan hár bir intellektuallıq hám fizikalıq iskerlik student-jaslardıń sociallıq belsendiligin arttırıw, olardı hár tárepleme jetik, bilimli hám intaker etip tárbiyalawda áhmiyetli orın iyelemekte.