SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Zooinjeneriya baǵdarındaǵı magistrlik dissertaciyaları qorǵaldı

2025-jıl 16-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında magistratura basqıshı pitkeriwshi kurs magistrantlarınıń dissertaciya jaqlawları bolıp ótti. Bul processte "Sharwashılıq" qánigeligi boyınsha bilim alıp atırǵan 3 magistrant óz ilimiy izleniwleriniń nátiyjelerin usındı. Olardıń izertlew temaları áhmiyetliligi, ámeliy áhmiyeti hám ilimiy qatnasları menen ajıralıp turdı.

Atap aytqanda, tómendegi temalarda dissertaciyalar qorǵaldı: "Qaraqalpaqstan Respublikası awıl xojalıǵında intensiv balıqshılıqtı rawajlandırıwda jańa texnologiyalar hám onıń keleshegi", "Túrli salmaqtaǵı máeklerdiń inkubaciya processine sırtqı ortalıqtıń tásiri", "Bir órkeshli túyelerdiń sút ónimdarlıǵın úyreniw usılları", Qorǵaw processi ashıq hám tınıq ortalıqta, belgilengen tártip tiykarında shólkemlestirildi.

Ilimiy basshılar, qánigeler hám komissiya aǵzaları tárepinen magistrantlardıń jumısına joqarı baha berildi. Bul dissertaciyalar tek ǵana ilimiy-teoriyalıq emes, al ámeliy jaqtan da úlken áhmiyetke iye bolıp, Qaraqalpaqstan Respublikasınıń sharwashılıq hám balıqshılıq tarmaqlarınıń rawajlanıwına úles qosıwı múmkin. Pitkeriwshi magistrantlarǵa aldaǵı ilimiy izlenisleri hám ámeliy jumıslarında úlken tabıslar tileymiz. Olardıń miyneti hám izleniwleri zamanagóy sharwashılıq tarawın rawajlandırıwǵa múnásip úles qosatuǵınına isenemiz.