DIQQAT! MAGISTRANTLAR UShIN ÁHMIYETLI XABARLANDIRIW!
Ózbekstan Respublikası Ministrler Kabinetiniń 2008-jıl 13-oktyabrdegi 226-sanlı qararına muwapıq, magistratura basqıshı studentleri ushın Ózbekstan Respublikası Prezidentiniń mámleketlik stipendiyaları hám olardı tayınlaw tártibi tómendegishe belgilengen:
Stipendiyalar kimler ushın?
Prezident stipendiyaları Ózbekstan Respublikası puqaraları bolǵan mámleketlik joqarı bilimlendiriw mákemeleriniń magistratura studentleri ushın Joqarı bilimlendiriw, ilim hám innovaciyalar ministrligi tárepinen tańlaw tiykarında tayınlanadı.
Kvotalar qalay bólistiriledi?
Hár jılı 22 Prezident stipendiyası kvotası bolıp, olar joqarı bilimlendiriw baǵdarları hám qánigelikleri klassifikatorına muwapıq tańlaw baǵdarları boyınsha bólistiriledi. Hár bir tańlaw baǵdarına tek ǵana bir talaban usınıs etiliwi múmkin.
Talabanlardı kórsetiw tártibi:
Talabanlar joqarı bilimlendiriw mákemeleriniń ilimiy keńesleri tárepinen, olardıń oqıw hám ilimiy (dóretiwshilik) jumısındaǵı jetiskenlikleri ǵalabalıq dodalawdan soń usınıs etiledi.
Ilimiy keńeske tapsırılatuǵın hújjetler dizimi:
Transkript (sınaq dáptershesinen kóshirme);
Dekanat hám kafedranıń usınısnaması;
Ilimiy yaki dóretiwshilik jumıs annotaciyası;
Basshınıń pikir-usınısı;
Ilimiy (dóretiwshilik) jumısqa reviyew;
Ilimiy jumıslar dizimi hám olardıń baspa nusqaları.
Áhmiyetli sáneler:
Hújjetlerdi qabıllaw múddeti - 1-iyulǵa shekem.
Usınısnamalar Ózbekstan Respublikası Joqarı bilimlendiriw, ilim hám innovaciyalar ministrligi tárepinen jılına bir márte kórip shıǵıladı.
Húrmetli magistrantlar! Joqarıdaǵı talap hám normalarǵa sáykes keletuǵınlar óz hújjetlerin belgilengen múddette tapsırıwı soraladı. Bul imkaniyat siziń ilimiy jumısıńızdı joqarı basqıshqa alıp shıǵıwı múmkin!
скачать dle 12.1
Telefon
E-mail
