SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filialda call-center hám másláhát orayınıń jumısı jolǵa qoyıldı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 2025/2026-oqıw jılı ushın abiturientlerdi hár tárepleme qollap-quwatlaw, olardıń múrájatların jedel hám nátiyjeli sheshiw maqsetinde call-center xızmeti hám másláhát orayınıń jumısı shólkemlestirildi.
Bul xızmetler arqalı abiturientler hám olardıń ata-anaları hújjetlerdi tapsırıw tártibi, qabıllaw processi, zárúr hújjetler dizimi, test sınaqları, bilimlendiriw baǵdarları hám basqa da áhmiyetli máseleler boyınsha anıq, tolıq hám biypul maǵlıwmatlarǵa iye bolıwı múmkin.
Call-center xızmetinde telefon arqalı múrájatlar qabıl etilip, hár bir sorawǵa jedel hám tiykarlanǵan juwap beriledi. Másláhát orayında bolsa filialǵa kelgen abiturientlerge ornında individual jantasıw tiykarında túsinikler, kórsetpeler hám ámeliy járdem beriledi.
Call-center telefon nomerleri:
+998 61 224-74-80
+998 61 224-73-19
+998 94 628-25-85
+998 90 658-90-07
+998 90 650-48-48
Bul xızmetler barlıq abiturientler hám olardıń jaqınları ushın pútkilley biypul usınılmaqta.
Call-center hám másláhát orayı - bul abiturientler hám olardıń ata-anaları ushın isenimli málimleme deregi hám de qabıllaw procesindegi eń jaqın járdemshi esaplanadı.
️Eger sizde qabıllaw tártibi boyınsha sorawlar tuwılǵan bolsa, hújjet tapsırıw procesinde ekilenip atırǵan bolsańız yaki filial haqqında tolıq maǵlıwmat alıwdı qáleseńiz - call-center hám másláhát orayına múrájat etiń.
Keleshekke qaray isenimli qádemdi biz benen qoyıń!
Sapalı bilim hám aydın keleshek Nókis filialınan baslanadı!