Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Náshebentlik hám AIJS - ásir obalarına qarsı gúresiw bárshemizdiń minnetimiz
Búgingi kúnde dúnyada áhmiyetli mashqalalardan biri bolıp qalıp atırǵan náshebentlik hám AIJS keselligi jaslar arasında qáweterli dárejege jetpekte. Ásirese, student-jaslar arasında bunday illetlerge qarsı immunitetti tek ǵana medicinalıq jol menen emes, al ruwxıy, ádep-ikramlılıq hám huqıqıy bilimler arqalı da bekkemlew zárúrligi kún sayın artıp barmaqta.
Usı maqsette, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Náshebentlik - ásir obası" hám "AIJSqa qarsı gúresiw" temalarına baǵıshlanǵan profilaktikalıq ilaj shólkemlestirildi.
Ushırasıwdı filial profilaktika inspektorı, kapitan Q.Qayıpnazarov ashıp berip, elimizde salamat turmıs tárizin úgit-násiyatlaw, jaslardı bul illetlerden saqlaw baǵdarında alıp barılıp atırǵan jumıslarǵa toqtap ótti. Ol, sonday-aq, bunday qáwip-qáterler tek ǵana bir adamnıń emes, al pútkil jámiyettiń mashqalasına aylanıwı múmkin ekenligin atap ótti.
Ilaj dawamında Qaraqalpaqstan Respublikası AIJSqa qarsı gúresiw orayınıń shıpakeri A.Djanibekova hám oraydıń metodisti Sh.Iulatdinovlar tárepinen student-jaslarǵa usı qáwipli kesellikler haqqında hár tárepleme maǵlıwmatlar berildi. Olar AIJS infekciyasınıń juǵıw jolları, keselliktiń belgileri, emlew usılları hám eń áhmiyetlisi - onıń aldın alıw ilajlarına ayrıqsha itibar qarattı.
Qánigeler náshebentlik qurallarınıń insan salamatlıǵına keltiretuǵın apatshılıq zıyanların, sonday-aq, bul illettiń AIJS sıyaqlı keselliklerge jeteklewshi faktorlardan biri ekenligin ilimiy dáliller tiykarında sáwlelendirip berdi. Bayanatshılar tárepinen keltirilgen faktler hám turmıslıq mısallar ilaj qatnasıwshılarına kúshli tásir kórsetti. Bul ilaj studentlerde áhmiyetli turmıslıq kónlikpelerdi qáliplestiriwge xızmet etip, olardı salamat turmıs principlerine sadıq qalıwǵa shaqıradı. Náshebentlik hám AIJSqa qarsı gúresiwde tek ǵana mámleket emes, al hár bir puqaranıń, ásirese, jas áwladtıń sanalı qatnası, sergekligi hám juwapkershiligi úlken áhmiyetke iye.
Ilaj dawamında Qaraqalpaqstan Respublikası AIJSqa qarsı gúresiw orayınıń shıpakeri A.Djanibekova hám oraydıń metodisti Sh.Iulatdinovlar tárepinen student-jaslarǵa usı qáwipli kesellikler haqqında hár tárepleme maǵlıwmatlar berildi. Olar AIJS infekciyasınıń juǵıw jolları, keselliktiń belgileri, emlew usılları hám eń áhmiyetlisi - onıń aldın alıw ilajlarına ayrıqsha itibar qarattı.
Qánigeler náshebentlik qurallarınıń insan salamatlıǵına keltiretuǵın apatshılıq zıyanların, sonday-aq, bul illettiń AIJS sıyaqlı keselliklerge jeteklewshi faktorlardan biri ekenligin ilimiy dáliller tiykarında sáwlelendirip berdi. Bayanatshılar tárepinen keltirilgen faktler hám turmıslıq mısallar ilaj qatnasıwshılarına kúshli tásir kórsetti. Bul ilaj studentlerde áhmiyetli turmıslıq kónlikpelerdi qáliplestiriwge xızmet etip, olardı salamat turmıs principlerine sadıq qalıwǵa shaqıradı. Náshebentlik hám AIJSqa qarsı gúresiwde tek ǵana mámleket emes, al hár bir puqaranıń, ásirese, jas áwladtıń sanalı qatnası, sergekligi hám juwapkershiligi úlken áhmiyetke iye.
Ilaj sońında qatnasıwshılar temaǵa baylanıslı ózlerin qızıqtırǵan sorawlarına qánigelerden hár tárepleme juwaplar aldı. Usı tárizde, bunday ushırasıwlar tek ǵana málimleme beriw emes, al jaslardı sanalı túrde jat illetlerden qorǵaw jolında áhmiyetli qádem bolıp xızmet etpekte.
Málimleme xızmeti
