Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Ilimiy potencial jolında jáne bir jetiskenlik
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ilimiy izleniwler unamlı nátiyjelerdi beriwde dawam etpekte. Jaqında "Veterinariya medicinası hám farmakologiyası" kafedrası doktorantı Ernazarov Daniyor Alisherovich 16.00.04 - Veterinariya farmakologiyası hám toksikologiyası, veterinariya sanitariyası, ekologiyası, zoogigiyenası, veterinariya-sanitariya ekspertizası qánigeligi boyınsha filosofiya doktorı (PhD) ilimiy dárejesin tabıslı qorǵap aldı.
Onıń "Qaraqalpaqstan Respublikası sharayatında ushırasatuǵın qaramallardıń barmaqlar aralıq dermatitleri (Mortellaro keselligi) farmakoterapiyası" atamasındaǵı ilimiy-izertlew jumısında sharwashılıq tarawında áhmiyetli bolǵan keselliklerden biri - Mortellaro keselligin emlewdiń nátiyjeli usılları úyrenilgen. Dissertaciyada keltirilgen ilimiy jańalıqlar, ámeliy usınıslar hám ilimiy tiykarlanǵan juwmaqlar qánigeler tárepinen unamlı bahalanǵan.
Bul jetiskenlik Nókis filialınıń ilimiy potencialın jáne bir basqıshqa kóterdi. Ilimiy dárejeli kadrlar qatarınıń keńeyip baratırǵanı, filialda alıp barılıp atırǵan ilimiy-izertlew jumısınıń nátiyjeliligin kórsetpekte. Ernazarov Daniyar Alisherovichti usı joqarı tabısı menen filial jámááti atınan shın júrekten qutlıqlaymız! Oǵan aldaǵı ilimiy izleniwlerinde jańa tabıslar, bekkem densawlıq hám úlken jetiskenlikler tileymiz.
Bul jetiskenlik Nókis filialınıń ilimiy potencialın jáne bir basqıshqa kóterdi. Ilimiy dárejeli kadrlar qatarınıń keńeyip baratırǵanı, filialda alıp barılıp atırǵan ilimiy-izertlew jumısınıń nátiyjeliligin kórsetpekte. Ernazarov Daniyar Alisherovichti usı joqarı tabısı menen filial jámááti atınan shın júrekten qutlıqlaymız! Oǵan aldaǵı ilimiy izleniwlerinde jańa tabıslar, bekkem densawlıq hám úlken jetiskenlikler tileymiz.
Málimleme xızmeti
