Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Keleshek innovatorı" hám "Eń jaqsı prototip" nominaciyalarında jeńimpazlıqtı qolǵa kirgizdi
Elimizdiń qábiletli jasların anıqlaw, olardı ilim hám innovaciyalarǵa keńnen tartıw, intellektuallıq potencialın júzege shıǵarıwǵa xızmet etetuǵın "Mırza Ulıǵbek miyrasxorları" respublikalıq tańlawı juwmaqlandı. Tańlaw Joqarı bilimlendiriw, ilim hám innovaciyalar ministrligi, Jaslar isleri agentligi hám "Uluǵbek" qorı tárepinen shólkemlestirildi. Tórt kún dawam etken bellesiwler respublikamızdıń barlıq aymaqlarınan kelgen bilimli hám qábiletli jaslar ushın óz potencialın kórsetiw, zamanagóy ilimiy kózqaraslarǵa tiykarlanǵan joybarlardı usınıw, bilim hám tájiriybe almasıw, sonday-aq, jańa ilimiy birge islesiwlerdi jolǵa qoyıw ushın áhmiyetli maydan boldı.
Bul tańlawda qatnasqan jaslar arasında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentleri óziniń intası, tereń ilimiy izleniwlerge tiykarlanǵan joybarları hám zamanagóy pikirlew sheńberi menen itibardı tarttı. Filial studentleri tek ǵana ulıwma qatnasıwshılardan ajıralıp turıp qalmastan, al ózleriniń puqta tayarlanǵan, innovaciyalıq ideyalarǵa bay islenbeleri menen tóreshi aǵzaları hám qánigeler tárepinen joqarı bahalandı. Atap aytqanda, 4-kurs studenti Asadbek Baltabaev "Oazis: shóldegi jánnet" joybarı menen "Keleshek innovatorı" nominaciyasında jeńimpazlıqtı qolǵa kirgizdi. Sonday-aq, magistratura 1-kurs studenti Mehribanu Aytmuratova, "Artemiya cistasın innovaciyalıq usılda kóbeytiw hám eksportın jolǵa qoyıw" atamasındaǵı ilimiy joybarı menen "Eń jaqsı prototip" nominaciyası jeńimpazı boldı.
Bul jetiskenlikler - Nókis filialında qáliplesip atırǵan salamat ilimiy ortalıq, zamanagóy bilimlendiriw kózqarasları hám jaslardıń ilimge bolǵan qızıǵıwshılıǵınıń nátiyjesi, desek asıra aytqan bolmaymız. Búgin filialda tap sonday talantlı, izleniwsheń hám pidayı jaslardıń qatarı kún sayın keńeyip barmaqta.
Sonı ayrıqsha atap ótiw kerek, tańlawdıń dáslepki basqıshlarında da filial studentleri joqarı belsendilik kórsetip, rayon basqıshında 7, Qaraqalpaqstan Respublikası basqıshında bolsa 4 student jeńimpaz dep tabılǵan edi. Respublikalıq basqıshtaǵı tabıs bolsa usı shınjırlı nátiyjelerdiń dawamı boldı.Bunday jetiskenlikler, bárinen burın, filial basshıları hám ustazlardıń itibarı, studentlerge jaratılǵan sharayatlar hám jaslardıń óz ústinde tınımsız islewiniń nátiyjesi bolıp esaplanadı. Nókis filialınıń ilim tarawındaǵı tabısları keleshekte jáne de kóplegen jaslarǵa motivaciya berip, bekkem tiykar bolıp xızmet etetuǵınına isenemiz.
Málimleme xızmeti
