Yoshlar bilan uchrashuv doirasida V Respublika Yoshlar forumi g‘oliblari taqdirlandi
17 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Keleshek kásibin tańlawda járdem: Nókis filialı úgit-násiyat jumıslarında belsendi
Búgingi kúnde elimizde joqarı bilimlendiriw sisteması túp-tiykarınan jańalanbaqta, zamanagóy qánigelerdi tayarlaw, jaslardıń qábiletin júzege shıǵarıw hám kásipke baǵdarlaw baǵdarında sistemalı ilajlar ámelge asırılmaqta. Ásirese, joqarı bilimlendiriw mákemeleri abiturientlerge óz imkaniyatların keńnen kórsetip, olardıń keleshektegi durıs tańlawlarına jol kórsetpekte. Usı maqsette Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 2025-2026-oqıw jılı ushın abiturientlerdi qabıllaw processin sistemalı, nátiyjeli hám maqsetli shólkemlestiriw jolında úgit-násiyat jumısları keń kólemde alıp barılmaqta.
Arnawlı dúzilgen úgit-násiyatlaw toparları házirgi waqıtta Qaraqalpaqstan Respublikasınıń rayon hám qalaları boylap ulıwma bilim beriw mákemelerine barıp, filialda bar bilimlendiriw baǵdarları, jaratılǵan zamanagóy sharayatlar, ilim menen integraciyalasqan oqıw processi, studentler ushınjaratılǵan imkaniyatlar hám qabıllaw tártipleri haqqında tolıq maǵlıwmat bermekte.
Atap aytqanda, filial direktorınıń jaslar máseleleri hám ruwxıy-aǵartıwshılıq isleri boyınsha orınbasarı X.Abdijaliyev, "Ekonomika hám gumanitar pánler" kafedrası baslıǵı P.Xojalepesov hám usı kafedra oqıtıwshısı P.Allaniyazovlardan ibarat úgit-násiyatlaw toparı Shomanay rayonında bolıp, ol jerdegi ulıwma bilim beriw mekteplerinde bir qatar ushırasıwlar ótkerdi. Sapar etiw sheńberinde mektep basshıları, pedagoglar, ata-analar hám ásirese pitkeriwshi klass oqıwshıları menen ashıq hám qızǵın sóylesiwler shólkemlestirildi.
Ushırasıwlarda filialdaǵı bakalavriat tálim baǵdarları, oqıw processine tartılǵan aldınǵı pedagogikalıq texnologiyalar, zamanagóy oqıw-laboratoriya xanaları, ámeliyatqa baǵdarlanǵan oqıtıw sisteması hám studentler ushın jaratılǵan sociallıq-turmıslıq sharayatlar haqqında tolıq maǵlıwmatlar berildi. Sonday-aq, abiturientlerdi qabıl etiwdiń jańa tártibi, onlayn dizimnen ótiw, test sınaqlarına tayarlıq, jeńillikler hám kontrakt muǵdarları haqqında da túsinik jumısları alıp barıldı.
Bul úgit-násiyatlaw jumısları jaslardıń kásip tańlawda sanalı qarar qabıl etiwine, olardıń keleshekke isenim menen qádem qoyıwına úlken túrtki bermekte.
Málimleme xızmeti
