SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Talantlı studentler saxnada: teatr studiyaları tańlawında eń jaqsıları anıqlandı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslardıń bos waqıtların mazmunlı shólkemlestiriw, olardı saxna kórkem ónerine qızıqtırıw hám dóretiwshilik potencialın júzege shıǵarıw maqsetinde "Studentler teatr studiyaları" tańlawı shólkemlestirildi.
Bul tańlaw filialda aprel-may aylarında ótkerilip atırǵan "Eń áhmiyetli basqısh" súreni astındaǵı hár qıylı sport hám ruwxıy-aǵartıwshılıq ilajlar sheńberinde orın aldı. Tańlawda teatr kórkem ónerine qızıǵatuǵın, saxna dóretiwshiligi menen shuǵıllanıp atırǵan student-jaslar belsene qatnastı.
Tańlaw dawamında hár bir komanda ózleri tayarlaǵan saxnalıq kórinisti atqarıp, aktyorlıq sheberligi, saxnadaǵı háreket úylesimliligi, obraz jetkeriw dárejesi hám saxna mádeniyatı normaları tiykarında bahalandı. Tamashalardı arnawlı komitet aǵzaları baqlap bardı hám hár bir shıǵıwǵa qalıs qatnas jasaldı.
Nátiyjeler boyınsha:
1-orındı 2-kurs 207-topar studentleri iyeledi. Olardıń saxnadaǵı atqarıwı joqarı bahaǵa iye boldı;
2-orındı saxna dóretiwshiliginde tájiriybe toplaǵan 3-kurs 304-topar komandası qolǵa kirgizdi;
3-orınǵa bolsa belsendi qatnasıwı menen itibar qaratqan 1-kurs 101-topar studentleri múnásip dep tabıldı.

Tańlaw jeńimpazları saltanatlı sıylıqlaw máresiminde sıylıqlanadı. Ilaj bolsa saxna arqalı studentler arasında sociallıq belsendilikti kúsheytiw, mádeniy-estetikalıq kózqarasın qáliplestiriw hám óz talantın kórsetiwine keń imkaniyat jarattı.