SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ilimiy birge islesiw jolında xalıqaralıq maydanda isenimli qádem

Búgin Ózbekstan joqarı bilimlendiriw sisteması xalıqaralıq ilimiy jámiyetshiliktiń tolıq huqıqlı aǵzası sıpatında belsene qatnaspaqta. Bul bolsa ilim, ilim hám innovaciyalardı úzliksiz birgelikte rawajlandırıw, zamanagóy qatnasıqlar tiykarında birge islesiw baylanısların bekkemlewdi talap etedi. Usı maqsette, usı jıldıń 12-may kúni Qıtay Xalıq Respublikasınıń Urumchi qalasında "Qıtay hám Oraylıq Aziya mámleketleri arasında sanaat, joqarı bilimlendiriw, ilimiy izertlewler hám texnologiyalardı ámeliyatqa engiziwde birge islesiw" temasında xalıqaralıq konferenciya bolıp ótti.

Bul abıraylı anjumanda Oraylıq Aziya mámleketleri hám Belarus Respublikası delegaciyaları quramındaǵı bilimlendiriw ministrleri, jetekshi universitetlerdiń rektorları, ilimiy toparlardıń wákilleri hám iri kompaniyalar qatnastı.

Ózbekstan Respublikası atınan qatnasqan delegaciya wákilleri, sonıń ishinde, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı, professor A.Esimbetov hám filialdıń Ilimiy-izertlewler, innovaciyalar hám ilimiy-pedagogikalıq kadrlar tayarlaw bólimi baslıǵı A.Mambetnazarov konferenciya sheńberinde nátiyjeli sóylesiwler alıp bardı.

Ilaj dawamında joqarı bilimlendiriw mákemeleri arasında ilimiy hám akademiyalıq birge islesiwdi keńeytiwge qaratılǵan áhmiyetli kelisimlerge erisildi. Sonıń ishinde, Nókis filialı tárepinen Qıtaydıń Tarim universiteti menen xalıqaralıq elektron memorandumǵa qol qoyıldı. Bul hújjet eki tárepleme ilimiy joybarlar, professor-oqıtıwshılar hám studentler almasıwın shólkemlestiriw, birgeliktegi izertlewler alıp barıw hám innovaciyalıq qollanbalardı engiziw imkaniyatın beredi. Nókis filialınıń xalıqaralıq bilimlendiriw mákanındaǵı abırayın jáne de bekkemlewge xızmet etedi. Bul qatnasıw hám erisilgen nátiyjeler mámleketimiz joqarı bilimlendiriw sistemasınıń global básekige shıdamlılıq dárejesin arttırıw, ilim hám ámeliyattıń únlesligin kúsheytiw baǵdarındaǵı háreketlerdiń logikalıq dawamı bolıp esaplanadı. Ásirese, alıs aymaqlardaǵı filiallarınıń da dúnya kólemindegi baslama hám joybarlarda belsene qatnasıp atırǵanı - bilimlendiriwde aymaqlıq teńlikke erisiw jolında taslanǵan isenimli qádemlerden biri bolıp esaplanadı.