Media-tur: yangi talabalar turar joyidagi zamonaviy sharoitlar va imkoniyatlar
23 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"English Club" studentlerdi bilimge jeteklemekte
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı "Ekonomika hám gumanitar pánler" kafedrasınıń baslaması menen student-jaslardıń shet tilge bolǵan qızıǵıwshılıǵın arttırıw, olardıń sóylew mádeniyatı hám sóylesiw kónlikpelerin rawajlandırıw maqsetinde "English Club" dógeregi shólkemlestirilgen.
Bul dógerekke kafedra oqıtıwshısı D.Matkarimova basshılıq etpekte. Ol óziniń jetekshi metodikalıq qatnası arqalı shınıǵıwlardı interaktiv tárizde alıp barıp atırǵanı menen ajıralıp turadı. Hár bir sabaq processinde studentler erkin pikirlew, óz kózqarasın ingliz tilinde bildiriw hám jámáát penen islesiw kónlikpelerin bekkemlemekte.
Jaqında ótkerilgen "English Explorers" temasındaǵı sabaq studentlerde úlken tásir qaldırdı. Onda qatnasıwshılar ingliz tilinde erkin sóylesiw menen birge, hár qıylı temalarda pikir alıstı. Shınıǵıw sheńberinde shólkemlestirilgen "Jeopardy" intellektuallıq oyını bolsa bilim hám pikirlew sınaǵına aylandı.
Studentler toparlar formasında sorawlarǵa juwap berip, óz bilim hám dóretiwshilik qatnasın kórsetti. Bunday dógerekler student-jaslardıń shet tilin úyreniwge bolǵan qızıǵıwshılıǵın arttırıp, olar arasında salamat báseki ortalıǵın qáliplestiriwde áhmiyetli faktor esaplanadı. Sonıń menen birge, óz ústinde islew, erkin pikirlew hám zamanagóy bilimlerdi iyelewde bekkem tiykar wazıypasın atqaradı. Belsendi qatnasqan studentlerge alǵısnama tapsırıldı.
–Hár bir shınıǵıw - bul jańa imkaniyat. Studentler ingliz tilin úyreniwde barǵan sayın belsendi bolıp barmaqta–deydi kafedra oqıtıwshısı D.Matkarimova.
Málimleme xızmeti
