Media-tur: yangi talabalar turar joyidagi zamonaviy sharoitlar va imkoniyatlar
23 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Shańaraq - qádiriyatlar besigi: Studentler atqarıwında xalıqshıl ruwx
2025-jıl 15-may kúni paytaxtımız Nókis qalasındaǵı "Doslıq" kanalı boyında "Xalıqaralıq shańaraq kúni" múnásibeti menen xalıq seyili bolıp ótti. Bayram saltanatı kóterińki keypiyat, xalıqshıl kóterińkilik hám shańaraqlıq qádiriyatlardı ulıǵlaytuǵın bayram keypiyatında ótti. Seyil dawamında kórkem óner sheberleriniń janlı atqarıwındaǵı qosıq-namalar, teatrlastırılǵan kórkem-ádebiy shıǵıwlar, milliy úrp-ádetler tiykarında tayarlanǵan saxnalıq kórinisler, ónermentler yarmarkası hám hár qıylı kórgizbeler jıynalǵanlarǵa bayram keypiyatın baǵıshladı.
Bul ilajda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı jámááti hám qábiletli student-jaslar da belsene qatnastı. Ásirese, filial studentleri tárepinen tayarlanǵan hám xalqımızdıń ásirler dawamında qásterlep saqlanıp kiyatırǵan úrp-ádetlerin ózinde jámlegen "Bet ashar" atamasındaǵı saxnalıq kórinis jıynalǵanlardıń dıqqatın ózine tarttı.
Bizge belgili, "Bet ashar" qaraqalpaq xalqınıń áyyemgi máresimleriniń biri bolıp, jańa túsken kelinniń jámiyetke birinshi ret tanıstırılıwınan aldın orınlanatuǵın rámziy máresim bolıp esaplanadı. Onda kelin izzet-húrmet penen saxnaǵa alıp shıǵıladı, jámiyet wákilleri aldında húrmet penen tájim etedi. Sol arqalı milliy qádiriyatlar, shańaraqqa bolǵan húrmet, kelinshektiń jámiyettegi ornı gózzal kórinis tabadı.
Studentlerdiń atqarıwındaǵı bul teatrlastırılǵan saxna kórinisi óziniń kórkemligi, janlı atqarılıwı, milliy ruwx hám estetikalıq jaqtan jetikligi menen tamashagóylerde jıllı tásir qaldırdı. Tamashagóyler saxna shıǵarmasın qızıǵıwshılıq penen tamashalap, filial jaslarınıń kórkem ónerge bolǵan mehri, xalıq miyrasın qádirlewge bolǵan itibarın joqarı bahaladı.
Bunday qatnasıwlar tek ǵana jaslarımızda estetikalıq talǵamdı qáliplestiriw emes, al olardı milliy miyras hám qádiriyatlarǵa húrmet ruwxında tárbiyalawda úlken áhmiyetke iye.
Bul ilajda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı jámááti hám qábiletli student-jaslar da belsene qatnastı. Ásirese, filial studentleri tárepinen tayarlanǵan hám xalqımızdıń ásirler dawamında qásterlep saqlanıp kiyatırǵan úrp-ádetlerin ózinde jámlegen "Bet ashar" atamasındaǵı saxnalıq kórinis jıynalǵanlardıń dıqqatın ózine tarttı.
Bizge belgili, "Bet ashar" qaraqalpaq xalqınıń áyyemgi máresimleriniń biri bolıp, jańa túsken kelinniń jámiyetke birinshi ret tanıstırılıwınan aldın orınlanatuǵın rámziy máresim bolıp esaplanadı. Onda kelin izzet-húrmet penen saxnaǵa alıp shıǵıladı, jámiyet wákilleri aldında húrmet penen tájim etedi. Sol arqalı milliy qádiriyatlar, shańaraqqa bolǵan húrmet, kelinshektiń jámiyettegi ornı gózzal kórinis tabadı.
Studentlerdiń atqarıwındaǵı bul teatrlastırılǵan saxna kórinisi óziniń kórkemligi, janlı atqarılıwı, milliy ruwx hám estetikalıq jaqtan jetikligi menen tamashagóylerde jıllı tásir qaldırdı. Tamashagóyler saxna shıǵarmasın qızıǵıwshılıq penen tamashalap, filial jaslarınıń kórkem ónerge bolǵan mehri, xalıq miyrasın qádirlewge bolǵan itibarın joqarı bahaladı.
Bunday qatnasıwlar tek ǵana jaslarımızda estetikalıq talǵamdı qáliplestiriw emes, al olardı milliy miyras hám qádiriyatlarǵa húrmet ruwxında tárbiyalawda úlken áhmiyetke iye.
Málimleme xızmeti
