SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

2025-2026-jılǵı qabıllaw úgit-násiyatlawı ushın isshi topar dúzildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 2025-2026-oqıw jılı ushın abiturientlerdi qabıllaw processin sistemalı hám nátiyjeli shólkemlestiriw maqsetinde úgit-násiyatlaw toparı qáliplestirildi. Onda filial direktorınıń orınbasarı, oqıw isleri boyınsha juwapker Q.Atanazarov jıynalısqa basshılıq etti hám jańadan shólkemlestirilgen úgit-násiyatlaw toparınıń aldında turǵan wazıypalar, olardıń áhmiyetliligi hám nátiyjelilikke baǵdarlanǵan kózqaraslar haqqında hár tárepleme toqtap ótti.

Úgit-násiyatlaw toparınıń aǵzaları qabıllaw processinde filialdaǵı bar bilimlendiriw baǵdarları, professor-oqıtıwshılar potencialı, zamanagóy materiallıq-texnikalıq baza, studentler ushın jaratılǵan sharayatlar menen imkaniyatlardı xalıqqa, atap aytqanda, pitkeriwshi jaslar hám olardıń ata-analarına durıs, anıq hám isenimli maǵlıwmat tiykarında jetkeriwi zárúr ekenligi atap ótildi.

Sonday-aq, úgit-násiyatlaw jumısları dawamında aymaqlardaǵı ulıwma bilim beriw mektepleri, akademiyalıq liceyler, kásip-óner mekteplerinde ushırasıwlar shólkemlestiriw, jaslar menen ashıq-aydın hám shın júrekten pikirlesiw, olardıń joqarı bilimlendiriwge bolǵan qızıǵıwshılıǵın arttırıwǵa xızmet etetuǵın metodlardan paydalanıw boyınsha usınıslar berildi. Májilis juwmaǵında hár bir topar aǵzasına ózine biriktirilgen aymaqlar boyınsha anıq tapsırmalar berildi hám bul processke juwapkershilik penen qatnas jasaw, filialdıń mápin nátiyjeli úgit-násiyatlaw hár bir xızmetkerdiń minneti ekeni ayrıqsha atap ótildi. Bul baslama - tek ǵana qabıllaw procesiniń sapalı shólkemlestiriliwi emes, al jaslar arasında veterinariya medicinası, sharwashılıq hám biotexnologiyalar tarawı boyınsha bilim alıwǵa qızıǵıwshılıqtı jáne de arttırıwǵa xızmet etedi.