SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Mini futbol jarısı ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Ózbekstan kásiplik awqamları háreketiniń 120 jıllıǵı múnásibeti menen xızmetkerler hám professor-oqıtıwshılar arasında mini futbol boyınsha filial birinshiligi jarısı shólkemlestirildi.
Tańlawdıń tiykarǵı maqseti salamat turmıs tárizin úgit-násiyatlaw, jámáátte islew kónlikpelerin bekkemlew hám xızmetkerlerdiń bos waqtın mazmunlı shólkemlestiriwden ibarat boldı.
Onda jámi 7 komanda qatnastı. Oyınlar belgilengen reglament tiykarında ótkerildi. Nátiyjeler tóreshiler quramı tárepinen ulıwmalastırıldı. Jarıs nátiyjelerine bola:
1-orın - "Alpamıslar" komandası (filial basshılıǵı wákillerinen quralǵan),
2-orın - "United" komandası (dekanat xızmetkerlerinen ibarat),
3-orın - "Veterinarlar" komandası (Veterinariya medicinası hám farmakologiya kafedrası komandası) iyeledi.
Jeńimpaz komandalarǵa filial direktorı A.Esimbetov tárepinen kubok hám sawǵalar tapsırıldı.