SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Sayaxat ruwxına nur bergen mánzil - Mizdaxkan

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı studentleri ushın bos waqıtların mazmunlı ótkeriw, olardı Watanımızdıń tariyxıy estelikleri menen jaqınnan tanıstırıw maqsetinde turaqlı túrde mádeniy-aǵartıwshılıq ilajlar ótkerilip kelinbekte.
Mine usınday baslama sheńberinde "Veterinariya hám zooinjeneriya" fakulteti 2-kurs 203-topar studentleriniń qatnasıwında Xojeli rayonında jaylasqan, áyyemgi tariyxqa iye Mizdaxkan arxeologiyalıq kompleksine sayaxat shólkemlestirildi.
Bul sayaxat dawamında studentler Ózbekstan aymaǵındaǵı eń áyyemgi qoyımshılıq komplekslerinen biri esaplanǵan Mizdaxkan esteligi, ondaǵı ápsanalıq jer astı jolları, mavzoleyler, qoyımshılıq hám basqa da tariyxıy estelikler menen jaqınnan tanıstı.
Fakultet dekanınıń orınbasarı E.Seytmuratov bul sapar haqqında tómendegilerdi aytıp ótti:

—Búgingi kúnde jaslarımızdıń tariyxıy miyrasqa bolǵan qızıǵıwshılıǵın arttırıw, olardı milliy maqtanısh hám watansúyiwshilik ruwxında tárbiyalaw úlken áhmiyetke iye. Mizdaxkan - bul tek ǵana arxitekturalıq estelikler toplamı emes, al elimizdiń bay ótmishinen gúrriń etiwshi biybaha tariyxıy ǵáziyne bolıp esaplanadı. Studentlerimizdiń bul jerge etken sayaxatı olardıń dúnyaǵa kózqarasın keńeytiwge, óz tamırlarına húrmet penen qarawǵa xızmet etedi.
Bul sapar etiw studentlerde úlken tásir qaldırdı. Olar tariyxıy estelikler, milliy qádiriyatlarımız haqqında bay maǵlıwmatlarǵa iye boldı hám óz bilimlerin ámeliyat penen bekkemlew imkaniyatına iye boldı.