Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Ádebiyat aspanınıń eki juldızı yad etildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında jaslardıń ruwxıy dúnyasın arttırıw, olardı milliy ádebiyatımızdıń belgili ǵayratkerleriniń ómiri hám dóretiwshiligi menen jaqınnan tanıstırıw maqsetinde gezektegi ruwxıy-aǵartıwshılıq ilaj shólkemlestirildi.
Usı jıldıń 6-may kúni bolıp ótken bul ádebiy ushırasıw Ózbekstan Qaharmanı, Ózbekstan hám Qaraqalpaqstan xalıq shayırı Ibrayım Yusupov hám Ózbekstan Qaharmanı, Qaraqalpaqstan hám Ózbekstan xalıq jazıwshısı Tólepbergen Qayıpbergenov tuwılǵanınıń 96 jıllıǵına baǵıshlandı.
Usı jıldıń 6-may kúni bolıp ótken bul ádebiy ushırasıw Ózbekstan Qaharmanı, Ózbekstan hám Qaraqalpaqstan xalıq shayırı Ibrayım Yusupov hám Ózbekstan Qaharmanı, Qaraqalpaqstan hám Ózbekstan xalıq jazıwshısı Tólepbergen Qayıpbergenov tuwılǵanınıń 96 jıllıǵına baǵıshlandı.
Ilaj dawamında bul eki ullı dóretiwshi - qaraqalpaq ádebiyatınıń dúrdana wákilleri, milliy sóz óneriniń ustazları bolǵan dóretiwshilerdiń ómiri, bay miyrası hám ádebiy-mádeniy iskerligi keńnen sáwlelendirildi. Ilajdı Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliyev kiris sóz benen ashtı. Ol óziniń shıǵıp sóylegen sózinde xalqımızdıń biybaha ruwxıy múlkine aylanǵan jazıwshılar dóretiwshiligi búgingi jas áwlad ushın úlgi mektebi bolıp xızmet etetuǵının atap ótti.
Ilajda Ózbekstan hám Qaraqalpaqstan Jazıwshılar awqamınıń aǵzası, belgili shayır R.Otarbaev qatnasıp, shayır hám jazıwshı menen baylanıslı estelikler, olardıń ómirlik kózqarasları, poeziyadaǵı ózine tán usılı hám xalıq qálbinen orın alǵan shıǵarmaları haqqında qızǵın pikirlerin bildirdi.
Sonday-aq, student-jaslar tárepinen Ibrayım Yusupov hám Tólepbergen Qayıpbergenovtıń eń saylandı qosıqları kórkem atqarıldı, jazıwshılardıń shıǵarmaları tiykarında tayarlanǵan saxnalıq kórinisler kórsetildi. Olardıń shıǵarmalarındaǵı watansúyiwshilik, xalıqshıllıq, adamgershilik hám milliy maqtanısh ideyaları búgingi jaslardıń qálbinde tereń tásir qaldırdı. Ilaj dawamında Ibrayım Yusupov hám Tólepbergen Qayıpbergenovtıń tereń mazmunlı, xalıq ruwxın sáwlelendirgen shıǵarmaları arqalı jaslar ádebiyatqa, milliy ideyaǵa hám ruwxıy miyrasqa bolǵan húrmetin jáne de arttırdı.
Ilajda Ózbekstan hám Qaraqalpaqstan Jazıwshılar awqamınıń aǵzası, belgili shayır R.Otarbaev qatnasıp, shayır hám jazıwshı menen baylanıslı estelikler, olardıń ómirlik kózqarasları, poeziyadaǵı ózine tán usılı hám xalıq qálbinen orın alǵan shıǵarmaları haqqında qızǵın pikirlerin bildirdi.
Sonday-aq, student-jaslar tárepinen Ibrayım Yusupov hám Tólepbergen Qayıpbergenovtıń eń saylandı qosıqları kórkem atqarıldı, jazıwshılardıń shıǵarmaları tiykarında tayarlanǵan saxnalıq kórinisler kórsetildi. Olardıń shıǵarmalarındaǵı watansúyiwshilik, xalıqshıllıq, adamgershilik hám milliy maqtanısh ideyaları búgingi jaslardıń qálbinde tereń tásir qaldırdı. Ilaj dawamında Ibrayım Yusupov hám Tólepbergen Qayıpbergenovtıń tereń mazmunlı, xalıq ruwxın sáwlelendirgen shıǵarmaları arqalı jaslar ádebiyatqa, milliy ideyaǵa hám ruwxıy miyrasqa bolǵan húrmetin jáne de arttırdı.
Málimleme xızmeti
