Húrmetli kásip iyeleri - veterinariya tarawı pidayıları!
Húrmetli kásip iyeleri - veterinariya tarawı pidayıları!
Húrmetli ustazlar, qádirli kásiplesler hám elimiz keleshegi bolǵan jaslar!
Hár jılı aprel ayınıń sońǵı shembi kúninde belgilenetuǵın Pútkil jer júzilik veterinariya kúni bárshemiz ushın tek ǵana bayram emes, al joqarı juwapkershilik hám xalıq xızmetindegi pidayılıqtı jáne bir márte ańlaw kúni bolıp tabıladı. Usı múnásibet penen bársheńizdi shın júrekten qutlıqlayman!
Búgin biz jámiyetlik turmısta áhmiyetli orın iyeleytuǵın, insan hám tábiyat arasındaǵı salamat teńsalmaqlılıqtı saqlaytuǵın bir taraw - veterinariyanıń jetiskenlikleri, joqarı ilimiy kózqarasları hám úlken áhmiyetine gúwa bolıp turmız. Veterinariya - bul tek ǵana kásip emes, bul - turmıs tárizi. Sebebi sizler hár bir haywan salamatlıǵı artında jámiyet salamatlıǵın, hár bir tekseriw arqalı azıq-awqat qáwipsizligin, hár bir izertlew arqalı bolsa ekologiyalıq turaqlılıqtı támiyinlew jolında pidákerlik penen xızmet etpektesiz. Usı jerde, xalqımızdıń densawlıǵın saqlaw, mámleketimizdiń sharwashılıq potencialın bekkemlew hám ilimge tiykarlanǵan jańasha kózqaraslardı turmısqa engiziwde miynet etip atırǵan barlıq taraw wákillerine tereń minnetdarshılıq bildiremen.
Nókis filialında bilim alıp atırǵan jaslarımızǵa bolsa bir sóz: Sizler tek ǵana bilim alıp atırsız, al bul ullı kásipke sadıq bolıw, onı júrekten seziw mádeniyatın úyrenip atırsız. Keleshekte áyne sizler bul tarawǵa jańalıq, joqarı jetiskenlikler hám xalıqaralıq tán alınǵan tabıslardı alıp kelesiz, biz isenemiz!
Bayramıńız múbárek bolsın, áziz kásiplesler! Salamat jámiyetke qosıp atırǵan úlesińiz qayırlı bolsın!
Húrmet penen,
SamVMShBU Nókis filialınıń direktorı,
professor A.Esimbetov
скачать dle 12.1
Telefon
E-mail
