SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Festival sheńberinde ilimiy-ámeliy konferenciya shólkemlestirildi

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Studentler báhári" dástúriy festivalına start berildi. Bul festival jaslardıń ilim, innovaciya hám kreativ pikirlew potencialın júzege shıǵarıw, sociallıq belsendiligin arttırıw, intellektuallıq hám sociallıq joybarlarda qatnasıwın támiyinlewge xızmet etpekte. Festival sheńberinde ótkerilgen áhmiyetli ilajlardan biri - "Bilimlendiriw sistemasında - innovaciyalıq ortalıq" atamasındaǵı ilimiy-ámeliy konferenciya boldı. Ilajdı jaslar jetekshisi B.Xojabergenov alıp bardı. Onda filialda bilim alıp atırǵan qábiletli student-jaslar, magistrantlar, sonıń ishinde, "Mırza Ulıǵbek miyrasxorları" tańlawınıń respublikalıq basqıshına jollama alǵan qábilet iyeleri óz ilimiy-innovaciyalıq qollanbaların hám joybarların usındı.

Konferenciya dawamında bilimlendiriw sistemasın sanlastırıw, zamanagóy pedagogikalıq texnologiyalardı engiziw, jasalma intellektten nátiyjeli paydalanıw, interaktiv hám kreativ qatnaslardı bilimlendiriw procesine engiziw máseleleri dodalandı. Studentler óz ideyaları arqalı ámeliyatqa baǵdarlanǵan innovaciyalıq joybarlardı usınıs etip, olardı turmısqa engiziw boyınsha qızǵın pikir-talaslar alıp bardı. Bul konferenciya tek ǵana jaslardıń ilimiy potencialın júzege shıǵarıwǵa xızmet etip qoymastan, al bilimlendiriw ortalıǵında innovaciyalıq pikirlewdi bekkemlewge, jas áwladtı dóretiwshilik izleniwge iytermelewge áhmiyetli túrtki boldı. Sonı ayrıqsha atap ótiw kerek, "Studentler báhári" festivalı sheńberinde bunday ilajlardıń ótkeriliwi tek ǵana jaslardıń ilimiy potencialın júzege shıǵarıw emes, al olardıń jámiyette belsendi poziciyaǵa iye jetik qánige sıpatında qáliplesiwine xızmet etedi.