Talabalar ishtirokida favqulodda vaziyatlarning oldini olishga qaratilgan profilaktik tadbir o‘tkazildi
06 май 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Miynet yarmarkası sheńberinde media-tur shólkemlestirildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında pitkeriwshi student-jaslardı jumıs penen támiyinlewge qaratılǵan miynet yarmarkası sheńberinde keń kólemli media-tur shólkemlestirildi. Bul media-turda Qaraqalpaqstan Respublikası Kámbaǵallıqtı qısqartıw hám bántlik ministrligi, "Ózbekstan Respublikası Milliy banki" AJ Qaraqalpaqstan Respublikası filialı, Qaraqalpaqstan Respublikası veterinariya hám sharwashılıqtı rawajlandırıw komitetiniń basshıları, jumıs beriwshi shólkemlerdiń wákilleri hám ǵalaba xabar qurallarınıń xızmetkerleri qatnastı.
Media-tur dawamında miymanlar filialda jaratılǵan zamanagóy oqıw hám laboratoriya bazası, studentlerdiń ámeliy sabaqlarǵa tartılıwı, óndiris penen integraciyalasqan bilimlendiriw sisteması menen tikkeley tanıstı. Ásirese, filial kafedraları tárepinen shólkemlestirilgen kórgizbeler miymanlarda úlken qızıǵıwshılıq oyattı. Bul kórgizbelerde studentler tárepinen tayarlanǵan innovaciyalıq joybarlar, ilimiy qollanbalar hám ámeliy ónimler kórsetildi. Miymanlar kórgizbelerdi tamashalap, studentler menen ashıq pikirlesti. Sonday-aq, miynet yarmarkası sheńberinde studentler hám jumıs beriwshiler arasında nátiyjeli ushırasıwlar shólkemlestirildi.
Bul ushırasıwlar dawamında jumısqa jaylasıw, ámeliyat ótew hám birgeliktegi joybarlardı ámelge asırıw boyınsha bir qatar kelisimlerge erisildi. Ilajdıń tiykarǵı maqseti - pitkeriwshi jaslardı bos jumıs orınlarına baǵdarlaw, olardıń miynet bazarındaǵı talap hám zárúrliklerge sáykes keliwin támiyinlew, sonıń menen birge, filialda ámelge asırılıp atırǵan oqıw-ámeliy processlerdiń ashıq-aydınlıǵın támiyinlewden ibarat boldı. Bul media-tur arqalı miymanlar tek ǵana filialdaǵı oqıw processi emes, al studentlerdiń kásiplik tayarlıǵı hám jumısqa tayarlıq dárejesi haqqında tolıq túsinikke iye bolıw imkaniyatına iye boldı.
