Talabalar ishtirokida favqulodda vaziyatlarning oldini olishga qaratilgan profilaktik tadbir o‘tkazildi
06 май 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jaslar forumı sheńberinde mektep oqıwshılarına kitaplar sawǵa etildi
Ózbekstan jaslarınıń ruwxıy hám intellektuallıq potencialın arttırıw, olardıń bilimge bolǵan qızıǵıwshılıǵın kúsheytiw maqsetinde elimizde keń kólemli jumıslar ámelge asırılmaqta. Áne usınday iygilikli baslamalardan biri - Respublikalıq jaslar forumı sheńberinde ámelge asırılǵan gezektegi ilaj boldı. Moynaq rayonındaǵı 2-sanlı ulıwma bilim beriw mektebinde ótkerilgen bul ilajda Ózbekstan Respublikası Veterinariya hám sharwashılıqtı rawajlandırıw mámleketlik komitetiniń basshıları, Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, Samarqand mámleketlik veterinariya medicinası, sharwashılıq hám biotexnologiyalar universiteti hám onıń Nókis hám Tashkent filiallarınıń basshıları qatnastı.
Ilaj dawamında mektep oqıwshılarına hár qıylı pánler boyınsha ilimiy-ǵalabalıq hám kórkem ádebiyatlardan ibarat bahalı kitaplar sawǵa etildi. Bul kitaplar oqıwshılardıń dúnyaqarasın keńeytiw, olardı ilimge mehir qoyıwǵa shaqırıw, bos waqıtların nátiyjeli ótkeriwlerine xızmet etedi.
Basshılar oqıwshılar menen qızǵın sáwbetlesti. Onda olar ózleriniń turmıslıq tájiriybeleri, tańlaǵan kásipleri, ómirde maqsetke erisiw ushın umtılıw hám miynettiń ornı haqqında aytıp berdi. Sonday-aq, oqıwshılardıń arzıw-niyetleri, qızıǵıwshılıqları menen qızıǵıp, olardı qollap-quwatlawshı motivaciyalıq pikir-usınıslar bildirildi. Bunday ushırasıwlar tek ǵana jas áwladtı xoshametlew emes, al olardı keleshek kásibine sanalı túrde qatnas jasawǵa, óz aldına anıq maqsetler qoyıwǵa hám olardı ámelge asırıw jolında izleniwge shaqıradı. Shólkemlestirilgen ilaj jaslarda úlken tásir qaldırdı.
Ózbekstan Respublikası Veterinariya hám sharwashılıqtı rawajlandırıw mámleketlik komiteti tárepinen shólkemlestirilgen bunday baslamalar jas áwladtı ilimge, kitapqumarlıqqa tartıwda, olardıń ruwxıy rawajlanıwına xızmet etip atırǵan áhmiyetli qádemlerden biri bolıp esaplanadı.
Basshılar oqıwshılar menen qızǵın sáwbetlesti. Onda olar ózleriniń turmıslıq tájiriybeleri, tańlaǵan kásipleri, ómirde maqsetke erisiw ushın umtılıw hám miynettiń ornı haqqında aytıp berdi. Sonday-aq, oqıwshılardıń arzıw-niyetleri, qızıǵıwshılıqları menen qızıǵıp, olardı qollap-quwatlawshı motivaciyalıq pikir-usınıslar bildirildi. Bunday ushırasıwlar tek ǵana jas áwladtı xoshametlew emes, al olardı keleshek kásibine sanalı túrde qatnas jasawǵa, óz aldına anıq maqsetler qoyıwǵa hám olardı ámelge asırıw jolında izleniwge shaqıradı. Shólkemlestirilgen ilaj jaslarda úlken tásir qaldırdı.
Ózbekstan Respublikası Veterinariya hám sharwashılıqtı rawajlandırıw mámleketlik komiteti tárepinen shólkemlestirilgen bunday baslamalar jas áwladtı ilimge, kitapqumarlıqqa tartıwda, olardıń ruwxıy rawajlanıwına xızmet etip atırǵan áhmiyetli qádemlerden biri bolıp esaplanadı.
