Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Respublika jaslar forumınıń saltanatlı sıylıqlaw máresimi bolıp ótti
Usı jıldıń 2-aprel kúni Berdaq atındaǵı Qaraqalpaq mámleketlik akademiyalıq muzıkalı teatrında elimiz jasların birlestirgen áhmiyetli ilaj - Respublikalıq jaslar forumınıń saltanatlı sıylıqlaw máresimi bolıp ótti. Bul abıraylı forum Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı tárepinen joqarı dárejede shólkemlestirildi hám elimizdiń qábiletli jasların bir saxnada jámledi.
Forumnıń saltanatlı sıylıqlaw máresiminde filial direktorı A.Esimbetov hám Ózbekstan Respublikası Veterinariya hám sharwashılıqtı rawajlandırıw mámleketlik komiteti baslıǵınıń orınbasarı A.Akbarov shıǵıp sóylep, bul forumnıń jaslar ushın qanday úlken áhmiyetke iye ekenligin atap ótti. Olar jaslarǵa bilimlendiriw hám innovaciyalar tarawında jaratılıp atırǵan imkaniyatlar haqqında aytıp, forum qatnasıwshılarınıń ilimiy, dóretiwshilik hám sport jetiskenlikleri elimizdiń rawajlanıwına qosıp atırǵan úlesi júdá úlken ekenligin atap ótti. Bunnan soń, forumnıń eń tolqınlandırıwshı waqıyalarınan biri - Respublikalıq pán olimpiadasınıń jeńimpazların sıylıqlaw máresimi baslandı. Bıyılǵı olimpiadada 33 qábiletli jas qatnasıp, óz bilimlerin kórsetti. Olimpiada nátiyjeleri boyınsha:
1-orındı iyelegen jeńimpazlarǵa altın medal hám bahalı sawǵalar;
2-orın iyelerine gúmis medal hám estelik sawǵaları;
3-orın iyelerine bolsa qola medal hám xoshametlewshi sawǵalar tapsırıldı.
Forum sheńberinde jaslar arasında bir qatar qızıqlı tańlaw hám jarıslar da ótkerildi. Olarda qatnasqan studentler ózleriniń dóretiwshilik hám intellektuallıq potencialın kórsetiw imkaniyatına iye boldı. Sonnan: Pikir-talas tańlawı;
"Jurtım jamalı" temasında "Eń jaqsı plakat" tańlawı;
"Studentler teatr studiyası" tańlawı;
"Kitapqumar student" tańlawı;
"Zakovat" intellektual oyını;
Startap - "Perspektivalı joybarlar jaslar názerinde" joybarlar tańlawı;
Veterinariya hám sharwashılıqtı rawajlandırıw komiteti Baslıǵınıń kubogi;
Rektor kubogi hám Direktor kubogi astında ótkerilgen sport jarısları.
Hár bir baǵdarda óziniń aqıl-oyı, dóretiwshilik kózqarası hám pidayılıǵı menen ajıralıp turǵan qatnasıwshılar jeńimpaz dep tabılıp, olarǵa diplom hám bahalı sawǵalar tapsırıldı. Bul jeńisler jaslardı jáne de ruwxlandırıp, keleshekte jáne de joqarı sheklerdi iyelewge iytermeleytuǵını sózsiz.
Sıylıqlaw máresiminen soń forum qatnasıwshılarına umıtılmas tásir qaldırǵan bayram baǵdarlaması bolıp ótti. Estradamızdıń belgili qosıqshıları saxnaǵa shıǵıp, ózleriniń eń saylandı qosıqları menen hámmege quwanısh baǵıshladı. Jaslar bul ájayıp kesheni kóterińki keypiyatta belgilep, ayaq oyınǵa túsip, bayram keypiyatın sezdi.
Respublikalıq jaslar forumı tek ǵana ilim, kórkem óner hám sport tarawında óz talantın kórsetiw tileginde bolǵan jaslardı birlestirip qoymastan, al olarǵa óz bilim hám qábiletlerin keńnen kórsetiw imkaniyatın da jarattı. Bul forum keleshek áwladtıń jáne de rawajlanıwı hám intellektuallıq potencialın arttırıwǵa xızmet etetuǵın áhmiyetli maydan bolıp qalatuǵını sózsiz.
Forumnıń saltanatlı sıylıqlaw máresiminde filial direktorı A.Esimbetov hám Ózbekstan Respublikası Veterinariya hám sharwashılıqtı rawajlandırıw mámleketlik komiteti baslıǵınıń orınbasarı A.Akbarov shıǵıp sóylep, bul forumnıń jaslar ushın qanday úlken áhmiyetke iye ekenligin atap ótti. Olar jaslarǵa bilimlendiriw hám innovaciyalar tarawında jaratılıp atırǵan imkaniyatlar haqqında aytıp, forum qatnasıwshılarınıń ilimiy, dóretiwshilik hám sport jetiskenlikleri elimizdiń rawajlanıwına qosıp atırǵan úlesi júdá úlken ekenligin atap ótti. Bunnan soń, forumnıń eń tolqınlandırıwshı waqıyalarınan biri - Respublikalıq pán olimpiadasınıń jeńimpazların sıylıqlaw máresimi baslandı. Bıyılǵı olimpiadada 33 qábiletli jas qatnasıp, óz bilimlerin kórsetti. Olimpiada nátiyjeleri boyınsha:
1-orındı iyelegen jeńimpazlarǵa altın medal hám bahalı sawǵalar;
2-orın iyelerine gúmis medal hám estelik sawǵaları;
3-orın iyelerine bolsa qola medal hám xoshametlewshi sawǵalar tapsırıldı.
Forum sheńberinde jaslar arasında bir qatar qızıqlı tańlaw hám jarıslar da ótkerildi. Olarda qatnasqan studentler ózleriniń dóretiwshilik hám intellektuallıq potencialın kórsetiw imkaniyatına iye boldı. Sonnan: Pikir-talas tańlawı;
"Jurtım jamalı" temasında "Eń jaqsı plakat" tańlawı;
"Studentler teatr studiyası" tańlawı;
"Kitapqumar student" tańlawı;
"Zakovat" intellektual oyını;
Startap - "Perspektivalı joybarlar jaslar názerinde" joybarlar tańlawı;
Veterinariya hám sharwashılıqtı rawajlandırıw komiteti Baslıǵınıń kubogi;
Rektor kubogi hám Direktor kubogi astında ótkerilgen sport jarısları.
Hár bir baǵdarda óziniń aqıl-oyı, dóretiwshilik kózqarası hám pidayılıǵı menen ajıralıp turǵan qatnasıwshılar jeńimpaz dep tabılıp, olarǵa diplom hám bahalı sawǵalar tapsırıldı. Bul jeńisler jaslardı jáne de ruwxlandırıp, keleshekte jáne de joqarı sheklerdi iyelewge iytermeleytuǵını sózsiz.
Sıylıqlaw máresiminen soń forum qatnasıwshılarına umıtılmas tásir qaldırǵan bayram baǵdarlaması bolıp ótti. Estradamızdıń belgili qosıqshıları saxnaǵa shıǵıp, ózleriniń eń saylandı qosıqları menen hámmege quwanısh baǵıshladı. Jaslar bul ájayıp kesheni kóterińki keypiyatta belgilep, ayaq oyınǵa túsip, bayram keypiyatın sezdi.
Respublikalıq jaslar forumı tek ǵana ilim, kórkem óner hám sport tarawında óz talantın kórsetiw tileginde bolǵan jaslardı birlestirip qoymastan, al olarǵa óz bilim hám qábiletlerin keńnen kórsetiw imkaniyatın da jarattı. Bul forum keleshek áwladtıń jáne de rawajlanıwı hám intellektuallıq potencialın arttırıwǵa xızmet etetuǵın áhmiyetli maydan bolıp qalatuǵını sózsiz.
