SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentler qatnasıwında ádebiy keshe ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı studentler turaq jayında jasaytuǵın studentlerdiń qatnasıwında ádebiy keshe shólkemlestirildi. Ilajda Qaraqalpaqstan xalıq jazıwshısı, filologiya ilimleriniń kandidatı A.Abdiyev, Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliev, Jaslar menen islesiw, Ruwxıylıq hám aǵartıwshılıq bóliminiń baslıǵı B.Palwaniyazov hám tárbiyashı-pedagog B.Xojabergenov qatnastı.

Ádebiy keshe sáwbet túrinde ótkerildi hám onda A.Abdiyev óziniń dóretiwshilik jolı hám jazıwshılıq jumısı haqqında aytıp berdi. Qatnasıwshılar jazıwshınıń shıǵarmaları hám ruwxıy miyrası haqqında qızıqlı sáwbetlesiwde qatnastı. Ilaj studentler ushın tek ǵana dóretiwshilikti úyreniw emes, al ruwxıy bilim hám ruwxıy baylıqtı arttırıw imkaniyatı boldı. Ádebiy keshe studentler ushın paydalı hám ilhamlandırıwshı boldı. A.Abdieyvtiń dóretiwshilik jolı hám shıǵarmaları haqqındaǵı sáwbet qatnasıwshılarǵa jańa bilimler berdi. Ilaj jaslardıń ruwxıy rawajlanıwına úlken úles qostı hám dóretiwshilik tarawlarǵa qızıǵıwshılıqtı jáne de arttırdı.