SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Hayal-qızlarǵa bayram sawǵası: Voleybol jarısında jeńis hám doslıq

Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında 8-mart - Xalıqaralıq hayal-qızlar kúni múnásibeti menen, Filial Kásiplik awqamı komitetiniń baslaması menen sporttıń voleybol túrinen jarıs shólkemlestirildi. Bayram aldınan hayal-qızlarǵa kóterińki keypiyat baǵıshlaw maqsetinde ótkerilgen bul jarıs qızıqlı hám motivaciyalıq tárizde bolıp ótti. Jarıstıń tiykarǵı maqseti, tek ǵana sporttı rawajlandırıw emes, al hayal-qızlar kúnin belgilew, olardıń jumısın hám jámiyettegi ornın qádirlew edi. Ilaj basında filial direktorı A.Esimbetov barlıq qatnasıwshılardı 8-mart - Xalıqaralıq hayal-qızlar kúni menen qızǵın qutlıqlap, jarısqa start berdi. Ol óziniń shıǵıp sóylegen sózinde komandalarǵa tabıslar tilep, jeńisler jolında olarǵa áwmet tiledi. Direktor, sonday-aq, bul ilajdıń áhmiyetin atap ótti hám sporttıń birlik, doslıq hám awızbirshilikti bekkemlewdegi rolin ayrıqsha atap ótti.
Ilajda qatnasqan komandalar sporttı súygen hám usı bayramda kóbirek bir-birine járdem beriw hám jaqsılıqlar úlestiriwdi maqset etken edi. Jarısta qatnasqan komandalar óz-ara kúsh sınasıp, ózleriniń sporttaǵı imkaniyatların kórsetti. Jarıs juwmaǵına bola, 3-orındı xızmetkerlerden dúzilgen "Liderler" komandası iyeledi. 2-orındı bolsa professor-oqıtıwshılardan dúzilgen "Zukkolar" komandası qolǵa kirgizdi. Tolıq jeńimpazlıqtı bolsa texnik xızmetkerlerden ibarat "Doslıq" komandası qolǵa kirgizdi. Olar ushın estelik sawǵaları hám diplomlar tapsırıldı. Jarısta qatnasqan hár bir qatnasıwshı óziniń mehir-muhabbat hám doslıqtı, birge islesiwdi qalay qádirleytuǵının kórsetti. Bul jarıs, tek ǵana sportqa qızıǵıwshılıq oyatıp qoymastan, al hayal-qızlarǵa bolǵan húrmetti kórsetti.

8-mart - Xalıqaralıq hayal-qızlar kúni hár jılı ótkeriletuǵın bunday ilajlar arqalı, hayal-qızlarǵa bolǵan itibar hám qádirlew kórsetip barıladı. Filialda shólkemlestirilgen bul jarıs, óz gezeginde, student hám xızmetkerler arasında jaqsı keypiyat hám doslıqtı bekkemlewge xızmet etti. Solay etip, bayramnıń maqseti tek ǵana hayal-qızlardı qutlıqlaw emes, al jámiyette olardıń ornın qádirlew, olardı ilhamlandırıw hám qollap-quwatlaw bolıp tabıladı. Bunday ilajlar, hayal-qızlardı xoshametlep, jámiyette olar atqaratuǵın belsendi roldi jáne de bekkemlewge járdem beredi.