SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Siyasiy-aǵartıwshılıq saatı: Aǵartıwshı hayal - jámiyet tárbiyashısı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar ushın "Siyasiy-aǵartıwshılıq saatı" shólkemlestirildi. Bul ilaj tek ǵana studentlerdiń siyasiy bilimi hám dúnyaǵa kózqarasın qáliplestiriw emes, al jámiyette júz berip atırǵan reformalar hám jańalanıwlarǵa bolǵan itibarın arttırıw maqsetinde ótkerildi.Filial direktorı A.Esimbetov ilajda sońǵı kúnlerde mámleketimizde ámelge asırılıp atırǵan reformalar hám jańalanıwlar haqqında tolıq maǵlıwmat berdi.

Ol studentlerge mámleketimizdiń búgingi kúndegi siyasiy, ekonomikalıq hám sociallıq processlerin túsindirip, jas áwladtı bul baǵdarda sanalı hám belsendi puqaralar etip tárbiyalaw zárúrligin atap ótti. Ilajda tiykarǵı tema sıpatında "Aǵartıwshı hayal - jámiyet tárbiyashısı" máselesi kóterildi. A.Esimbetovtıń sózlerine qaraǵanda, aǵartıwshı hayal jámiyettiń jámlesiwine, rawajlanıwına hám keleshegine úlken tásir kórsetedi. Búgingi kúnde mámleketimizde hayal-qızlarǵa qaratılǵan siyasat joqarı itibar menen ámelge asırılıp atırǵanın atap ótiw kerek. Húrmetli Prezidentimiz Shavkat Mirziyoyev tárepinen Hayal-qızlar máselesi turaqlı túrde dıqqat orayında turıp, olarǵa joqarı sociallıq, huqıqıy hám ekonomikalıq imkaniyatlar jaratıw baǵdarında ámelge asırılıp atırǵan reformalar keńnen dodalanbaqta.

Filial direktorı, sonday-aq, hayal-qızlardıń jámiyettegi ornı, olardıń bilim alıw, kásip-óner iyelew hám ekonomikalıq erkinlikke erisiw jolındaǵı imkaniyatlarına toqtap ótti. Onıń pikirinshe, aǵartıwshı hayal - bul tek ǵana óz shańaraǵın emes, al jámiyetti de tárbiyalaytuǵın, oǵan unamlı tásir kórsetetuǵın shaxs bolıp tabıladı. Hayal-qızlarǵa berilip atırǵan imkaniyatlar hám bilim alıwǵa bolǵan úlken itibar, tek ǵana olardıń jeke turmısın jaqsılap qoymastan, al pútkil jámiyettiń rawajlanıwına xızmet etedi.A.Esimbetov, sonday-aq, hayal-qızlardı hár tárepleme qollap-quwatlaw, olardıń sociallıq belsendiligin arttırıw hám jámiyetlik jumıslarda qatnasıwın támiyinlew mámleketimizdiń tiykarǵı baǵdarlarınan biri ekenin ayrıqsha atap ótti. Hayal-qızlar máselesine qaratılıp atırǵan siyasat búgin hár bir hayal-qızdıń óz arzıw-nietlerin ámelge asırıwǵa, óz potencialın kórsetiwge keń imkaniyatlar jaratpaqta. Solay etip, bul ilajda ótkerilgen aǵartıwshılıq saatı, jaslardıń siyasiy-aǵartıwshılıǵın arttırıwǵa, jámiyettegi hayal-qızlardıń ornın jáne de bekkemlewge xızmet etedi. Ózbekstanda ámelge asırılıp atırǵan reformalar hám jańalanıwlardıń áhmietin túsiniw, ásirese, jas áwladqa durıs maǵlıwmatlar jetkeriw bunday ilajlardıń qanshelli áhmiyetli ekenligin kórsetedi.

Studentlerge usınılǵan maǵlıwmatlar, olardıń tek ǵana óz iskerliginde emes, al jámiyette belsendi puqaralar sıpatında rol atqarıwına xızmet etedi. Solay etip, búgingi kúnde hayal-qızlarǵa bolǵan itibar hám olardıń ornı jámiyet rawajlanıwındaǵı eń áhmietli faktorlardan birine aylanǵan. Óz gezeginde, jaslardı bul baǵdarda tárbiyalaw, olarǵa aǵartıwshılıq hám sociallıq juwapkershilikli bolıwdı úyretiw áhmiyetli.