SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Zooinjeneriya" kafedrasında Zoom platforması arqalı online lekciya ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı "Zooinjeneriya" kafedrası pitkeriwshi kurs studentlerine Qazaqstan milliy agrar izertlew universiteti "Zooinjeneriya hám biotexnologiya" kafedrası professorı, sonday-aq, Qazaqstan Respublikası Ilimler akademiyasınıń akademigi Buralxiev Batırxan Azimxanovich tárepinen "Sharwashılıqta biotexnologiyanıń zamanagóy usılları" atamasında online lekciya ótkerildi.
Bul sabaq studentlerge sharwashılıq tarawında biotexnologiyanıń jańa hám innovaciyalıq usılları, olardıń ámeliyatqa

engiziliwi hám ilimiy izertlewler tiykarında qalay rawajlanıp atırǵanı haqqında áhmiyetli maǵlıwmatlar berdi. Online formatta shólkemlestirilgen ilaj, studentler ushın sırt el tájiriybelerinen úyreniw hám ilimiy jumısta jańalıqlarǵa qızıǵıwshılıǵın arttırıw imkaniyatın jarattı.

Kafedra baslıǵı X. Mamatov óziniń pikirlerin tómendegishe bildirdi:

"Pitkeriwshi kurs studentlerine ótkerilgen bul online lekciya júdá paydalı boldı. Zamanagóy biotexnologiyalardı úyreniw, olardı ámeliyatta qollanıw imkaniyatın jaratıw hár bir student ushın úlken áhmiyetke iye. Professordıń tájiriybesin studentlerge bóliskeninen júdá quwanıshlımız. Kafedramız bunnan keyin de bunday ilimiy hám ámeliy ilajlardı shólkemlestiriwdi dawam ettiredi. Sonday-aq, bul lekciya online formada bolıwına qaramastan, studentler menen ilimiy birge islesiwdi bekkemlew hám olar ushın paydalı bilimler beriwde úlken rol oynadı.