“Abdulla Avloniy” atlı kórkem filmin tamashalaw haqqında

Ózbekistan Respublikası Joqarı bilimlendiriw, ilim hám innovatsiyalar ministrliginiń 2025-jıl 29-yanvardaǵı 01-15-29-sanlı “Joqarı, kásiplik hám orta arnawlı bilimlendiriw orınlarında 2025-jıldıń fevral-iyun ayları dawamında “Milliy qádriyatlar hám olardıń millet ruwxıylıǵındaǵı ornı” atamasında ilajlar ótkeriw boyınsha kalendar rejesi”niń orınlanıwın támiyinlew maqsetinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslarǵa milliy mádeniyat hám qádriyatlardı sáwlelendiriwshi “Abdulla Avloniy” atlı kórkem filmin tamashalaw haqqında 

MAǴLÍWMAT

2025-jıl 21-fevral kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı májilisler zalında student-jaslarǵa milliy mádeniyat hám qádriyatlardı sáwlelendiriwshi “Abdulla Avloniy” atlı kórkem film tamasha etildi.

“O‘zbekkino” milliy agentliginiń buyurtpasına muwapıq, jádidshilik háreketiniń iri wákilleriniń biri Abdulla Avloniydiń tuwılǵanına 140 jıl tolıw múásibeti menen “Avloniy” tolıq metrajlı filmi súwretke alınǵan. Abdulla Avloniy obrazı tımsalında sol dáwirde jasap, iskerlik júritken, millet hám jurt ushın gúresken ziyalılardıń ómirin kórsetiw hám bul arqalı búgingi kún jaslarında Watanǵa hám milletke bolǵan muhabbat, áwladlarǵa bolǵan maqtanısh sezimlerin qáliplestiriwden ibarat bolǵan. 

Abdulla Avloniy – shayır, dramaturg, dáslepki sabaqlıqlar avtorı, ózbek teatrınıń tiykarshılarınıń biri, “Turan“ teatr truppasın dúziwshisi, Turkistannıń Avganistandaǵı birinchi elshisi hám mámlekettiń rawajlanıwı ushın úlken úles qosqan siyasatshısı hamde keń kewilli dóretiwshi ekenligi haqqında student-jaslar keń túsinikke iye boldı.

Mine usınday watanımızdıń rawajlanıwına, mártebesiniń artıwına hámde mádeniyatımızda úlken iz qaldırǵan babalarımızdı student-jaslarımızǵa kórsetiw, olardıń watanǵa sadıqlıǵı, insan súyiwshilik sezimlerin sińdiriw hám hár bir student-jaslarımızǵa mine usınday babalarımızǵa múnásip bolıw kerek ekenligi haqqında da aytıp ótildi. 

Ilaj sońında student-jaslarımızdıń filmnen alǵan túsinikleri haqqında pikirler almasıwı bolıp ótti.