SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Men háwes etken Joqarı oqıw ornı" temasında sáwbet shólkemlestirildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Nókis veterinariya texnikumınıń oqıwshıları menen "Men háwes etken Joqarı oqıw ornı" atamasında sáwbet shólkemlestirildi. Ilájdıń tiykarǵı maqseti jaslardı joqarı oqıw orınlarında bilim alıwǵa ilhamlandırıw hám olardı arzıw-niyetlerin ámelge asırıwǵa baǵdarlaw edi.
Ilájdı "Veterinariya hám zooinjeneriya" fakultetiniń Jaslar menen islesiw, ruwxıylıq hám aǵartıwshılıq isleri boyınsha dekan orınbasarı E.Seytmuratov basqarıp, oqıwshılarǵa joqarı oqıw orınlarında oqıw imkaniyatları haqqında tolıq maǵlıwmatlar berdi. Sáwbetlesiw dawamında E.Seytmuratov jaslardıń joqarı bilim alıwǵa qızıǵıwshılıǵın jáne de arttırıw, óz maqsetlerine erisiw jolında motivaciya beriw hám joqarı oqıw orınlarınıń imkaniyatlarınan tolıq paydalanıw áhmiyetli ekenligin atap ótti. Sonday-aq, ilájda Nókis veterinariya texnikumınıń oqıwshıları universitettiń bilimlendiriw sapası hám imkaniyatların úyreniwge, keleshekte óz arzıw-niyetlerin ámelge asırıwǵa tayar ekenligin bildirip, filialdaǵı oqıw processlerine qızıǵıwshılıq bildirdi. Ushırasıw jaslardıń óz keleshegin rejelestiriwde áhmiyetli qádem boldı hám olarǵa jańa ideyalar, ilham hám bilim alıw ushın imkaniyatlar jarattı.