SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Málimleme-resurs orayınıń kitapxana fondı jańa ádebiyatlar menen bayıtılmaqta

Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında "Málimleme resurs orayı"nda jańa oqıw ádebiyatları, sabaqlıqlar hám kitaplar student-jaslarǵa tanıstırıldı.
Atap aytqanda, 24 atamadaǵı 93 kitap alıp kelindi. Ilájda, Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliev shıǵıp sóylep, filial kitapxanasınıń jańa ádebiyatlar menen bayıtılıwı bilimlendiriwdiń sapası ushın áhmiyetli ekenligin atap ótti. Ol jańa kitaplar hám oqıw ádebiyatları studentlerdiń bilim sheńberin keńeytiw, zamanagóy talaplar tiykarında ilimniń rawajlanıwın qollap-quwatlawǵa xızmet etetuǵının aytıp ótti. Ilájda jaslar, jańa resurslardan qalay nátiyjeli paydalanıw haqqında da maǵlıwmat aldı.
Ilájda atap ótilgenindey, jańa ádebiyatlardıń kitapxanaǵa alıp keliniwi studentler ushın úlken imkaniyat jaratadı. Bul óz gezeginde olardıń ilimiy qızıǵıwshılıǵın arttıradı hám oqıw processine jańalıq kirgizedi. Sonıń menen birge,
zamanagóy ádebiyatlar járdeminde studentlerge tereń bilim beriw hám olardı global kólemde básekige shıdamlı etiwge járdemlesiw maqset etilmekte. Ilájdıń áhmiyeti, sonıń menen birge, jaslardı óz bilimlerin jáne de arttırıwǵa hám zamanagóy resurslardan nátiyjeli paydalanıwǵa shaqırıwda da úlken.
Iláj, sonday-aq, studentlerge kitapxana resurslarınan qalay nátiyjeli paydalanıw boyınsha da ámeliy usınıslar berildi. Jańa ádebiyatlar tek ǵana bilim alıwdı ańsatlastırıp qoymay, ilimiy izleniwler hám innovaciyalardı qollap-quwatlawǵa da xızmet etedi. Bul bolsa, studentlerge óz kásiplik tarawında joqarı nátiyjelerge erisiw imkaniyatın jaratadı.