SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Jawızlıqqa qarsı aǵartıwshılıq" teması sheńberinde sáwbetlesiw ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında hayal-qızlar máslahát keńesiniń baslaması menen "Jawızlıqqa qarsı aǵartıwshılıq" teması sheńberinde sáwbetlesiw ótkerildi. Ilájda filialdıń Hayal-qızlar máseleleri boyınsha direktor máslahátshisi Z.Dawletova, Jaslar menen islew boyınsha dekan orınbasarı E.Seytmuratov hám filial profilaktika inspektorı, kapitan Q.Qayıpnazarov qatnastı.
Ilájda student-qızlarǵa separatizm hám fanatizm ideyaları tásirinen saqlanıw hám olardıń aldın alıw boyınsha lekciyalar tıńlandı. Qatnasıwshılar jaslardı jawızlıq hám unamsız tásirlerden qorǵaw, birlesken, óz jurtın súyetuǵın puqara bolıwǵa shaqırdı. Sáwbetlesiw student-qızlarǵa sociallıq turmısta belsene qatnasıw etiw hám ózligin ańlawda járdem beriw maqsetinde ótkerildi.
Ilájda qatnasqan barlıq qatnasıwshılar, jaslardı zamanagóy, sociallıq tárepten juwapkershilikli hám pikirlewge tiyisli keń kólemli bilimler menen támiyinlew zárúr ekenligin aytıp, bunday ilájlardıń áhmiyetin joqarı bahaladı. Iláj juwmaǵında qatnasıwshılar jaslar arasında separatizm hám fanatizm ideyalarına qarsı gúresiw, jámiyette óz-ara húrmet hám birligimizdi bekkemlew zárúrligi haqqında pikir almastı. Bunday sáwbetlesiwler student-qızlardı jawızlıq hám unamsız tásirlerden qorǵaw, olarǵa sociallıq juwapkershilikti túsindiriwde áhmiyetli orın tutadı.