SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ministr Qońıratbay Sharipov filialda jaratılǵan sharayatlar menen jaqınnan tanıstı

Ózbekstannıń bilimlendiriw sisteması tarawında ámelge asırılıp atırǵan reformalar hám jańalanıwlar jedel dawam etpekte. Sol processte, Joqarı bilimlendiriw, ilim hám innovaciyalar ministri Qońıratbay Sharipovtıń Samarqand mámleketlik veterinariya medicinası, sharwashılıq hám biotexnologiyalar universiteti Nókis filialına ámelge asırǵan saparı, ayrıqsha áhmiyetke iye boldı. Ministrdiń saparı, tálim sapasın arttırıw, ilimiy hám ámeliy izertlewlerdi rawajlandırıw, hám de studentler ushın jáne de qolay sharayatlar jaratıw boyınsha ámelge asırılıp atırǵan reformalardıń zárúrli basqıshlarınan biri boldı.
Saparındaǵı tiykarǵı maqsetlerinen biri – filialdaǵı oqıw processlerin jáne de jetilistiriw, studentlerge ilimiy hám ámeliy bilimler alıw múmkinshiliklerin arttırıw hám olarǵa zárúr sharayatlar jaratılǵanlıǵın úyreniwden ibarat edi. Ministrdiń saparı dawamında, áyne usı máseleler menen tanısıw hám olardıń ámelge asırılıw dárejesin bahalawǵa ayrıqsha itibar qaratıldı.
Ministr hám onıń isshi topar aǵzaları, Nókis filialı iskerligin úyreniw, ámeldegi oqıw laboratoriyaları, ilimiy izertlewler hám studentlerge jaratılǵan sharayatlar haqqında maǵlıwmat alıw ushın filial aymaǵında boldı. Bul sapar tek filialdıń házirgi jaǵdayı haqqında tolıq pikirlerdi qáliplestiriw ushın ǵana emes, bálkim keleshekte ámelge asırılıwı kerek bolǵan jumıslardı belgilewge de baǵdarlanǵan edi.
Sapar dawamında, ásirese, filial aymaǵında ámelge asırılıp atırǵan jańa qurılıslar, atap aytqanda, studentler ushın zamanagóy jataqxana qurılısı itibarǵa alındı. Ministr, bul qurılıslar arqalı studentler ushın jaqsı jasaw sharayatları jaratıw, olardı ilimiy jáne sociallıq iskerlikte belsendiligin arttırıw gózlengenligin atap ótti. Jataqxana qurılısı, tek jasaw ushın qolaylıqlardı támiyinlew ushın ǵana emes, bálkim, studentler arasında sociallıq baylanıslardı rawajlandırıw hám olarǵa salamat turmıs tárizin úgit-násiyatlaw maqsetinde de zárúrli áhmiyetke iye boldı.
Ministr, sonıń menen birge, filialdaǵı oqıw processiniń ilimiy tárepleri menen de tanıstı. Studentlerdiń oqıw iskerligi ushın zárúr bolǵan jańa texnologiyalardı engiziw, laboratoriyalardı zamanagóylestiriw hám ilimiy izertlewlerdi kúsheytiw máseleleri analiz etildi. Bul oqıw ornınıda ilimiy hám ámeliy jumıslarǵa bolǵan mútajlik joqarı bahalanıp, keleshekte ilimiy izertlewler hám ámeliyatlardı rawajlandırıwǵa úlken áhmiyet beriliwi atap ótildi.
Sapar dawamında, ministr, oqıw processin jáne de zaman talaplarına say tárizde alıp barıw hám innovciyalıq tálim usılların qollanıw zárúr ekenligin bildirip ótti. Usı jóneliste, oqıw baǵdarlamaların jetilistiriw, jańa texnologiyalar hám ilimiy metodlardı qollaw, sonıń menen birge, studentlerdi haqıyqıy tarawlarda tájiriybe arttırıwǵa báǵdarlaw sıyaqlı zárúrli máseleler dodalandı. Ministr, oqıw processiniń nátiyjeliligin arttırıw ushın studentler hám oqıtıwshılar arasında turaqlı túrde birge islesiudi bunnan bılayda rawajlandırıw hám ilimiy jumıslar menen shuǵıllanıw múmkinshiliklerin keńeytiw kerekligin atap ótti.
Sapar dawamında, ásirese, tálim processinde jetekshi texnologiyalardı engiziw, jańa oqıw metodikaların islep shıǵıw hám studentlerge bilimdi tek teoriyalıq jaqtan ǵanap emes, ámeliy tárepten de ózlestiriw múmkinshiliklerin jaratıw boyınsha pikirler almasıldı.