Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Filial direktorı bólim xızmetkerlerine veb-sayt boyınsha berilgen tapsırmanı orınlamaǵanı ushın sın pikir bildirdi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında barlıq bólim xızmetkerleri qatnasıwında májilis bolıp ótti. Filial direktorı A.Esimbetov sózge shıǵıp, filialdıń rásmiy veb-saytın jańalaw, jáne de rawajlandırıw boyınsha pikir hám usınısların bildirip ótti. Hár bir bólimge veb-saytqa ózlerine tiyisli maǵlıwmatlardı jańalaw boyınsha tapsırma berilgeni, bıraq buǵan nemquraylıq penen qaralǵanına sın pikir bildirdi. Málimleme texnologiyaları bólimi baslıǵı A.Jaksulikovqa veb-sayttı eń sońǵı versiyada tazadan islep shıǵıw hám házirgi iskerlik kórsetip turǵan sayt dizaynın ózgertiw boyınsha berilgen tapsırmanı óz waqıtında atqarmaǵanlıǵı haqqında eskertiw berdi.
—Filialdıń rásmiy veb-saytı bul biziń aynamız. Solay eken hár birińiz buǵan biyparıq bolmawıńızdı talap etemen—saytımızdı jáne de rawajlandırıw, oǵan jaylastırılıp atırǵan maqalalardıń kóriwler sanın kóbeytip barıwǵa úles qosıw, buǵan studentlerdi de keń qamtıp alıw boyınsha usınıslardı ilgeri súriń, men hár qanday unamlı baslamanı qollap-quwatlayman —dedi A.Esimbetov. Bul másele boyınsha berilgen tapsırmalarǵa juwapkershilik penen jantasıwı shárt ekenligin ayrıqsha atap ótti. Sonnan keyin, Málimleme xızmeti basshısı Z.Xojamuratova sózge shıǵıp, barlıq xızmetkerlerdi bul máselege biyparıq bolmawǵa shaqırdı, Málimleme texnologiyaları bólimi baslıǵı A.Jaksulikov berilgen wazıypanı óz waqıtında orınlamaǵanın aytıp ótti.
— Málimleme xızmeti basshısı tek ǵana veb-sayttaǵı jańalıqlar bólimine juwap beredi. Veb-sayt bul sociallıq tarmaq emes, universitettiń rásmiy saytı hám onıń iskerligi tiykarınan texnikalıq tárepten bolǵanı sebepli tikkeley Málimleme texnologiyaları bólimi juwapker ekenligine ayrıqsha dıqqat awdarıp ótpekshimen. Áyne házirde islep turǵan sayt versiyası júdá eski, tayarlaǵan materiallardı jaylap barıwda qıyınshılıqlarǵa dus kelip atırman. Sol sebepli veb-sayttı jańa versiyada islep beriwdi usınıs etemen— dedi Z.Xojamuratova. Óz gezeginde A.Jaksulikov sózge shıǵıp, filialdıń jańa rásmiy veb-saytın dál 1 ay ishinde tayarlawǵa wáde berdi. Filial direktorı 1 aydan keyin nátiyje kútiwin aytıp ótti. Sonıń menen birge, tiyisli juwapkerler 2 kún ishinde ózlerine tiyisli maǵlıwmatlardı MTB bólimine tapsırıwı hám veb-saytqa jaylastırılıwı boyınsha tapsırma berildi. Jaslar menen islesiw, ruwxıylıq hám aǵartıwshılıq bólimine barlıq professor-oqıtıwshılar, xızmetkerler hám de student-jaslardı rásmiy telegram kanal hámde sociallıq tarmaqlardaǵı barlıq rásmiy betlerge aǵza bolıwın támiyinlew boyınsha tapsırma berdi. Hámmeńiz rásmiy veb-sayt hám de telegram kanallardı baqlap barasız dep aytıp ótti. Ol óz sózinde bul tapsırmalardıń nátiyjesin talqılawın aytıp ótti.
Málimeleme xızmeti
