SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Búgin, 10 -dekabr —Ózbekstan Respublikası Mámleketlik gimni qabıl etilgen kún

Búgin, 10 -dekabr kúni, Ózbekstan Respublikası Mámleketlik gimni qabıl etilgen kún. Bul áhmiyetli sáneni múnásip belgilew maqsetinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında erte tańnan iláj shólkemlestirildi. Ilájda filial basshıları, professor -oqıtıwshılar hám de student-jaslar birgelikte mámletelik gimndi janlı tárizde atqardı.

Bul iláj arqalı jaslar óz watanına, onıń mámleketlik belgilerine bolǵan húrmet hám sıylasıqtı jáne de bekkemlewge, onıń tariyxı hám mádeniy miyrasların jáne de tereńrek úyreniwge shaqırıldı. Iláj dawamında mámleketlik gimnimizdiń mazmunı, onıń tariyxıy áhmiyeti hám mámleketimizdegi ózgerisler menen baylanıslı áhmiyetli waqıyalar haqqında sóz etildi. Filial basshıları hám oqıtıwshılar tárepinen student-jaslarǵa watan, millet hám ǵárezsizlik ideyalarınıń áhmiyetin túsindiriwge ayrıqsha itibar qaratıldı.

Sonıń menen birge, jaslardı óz mámleketine bolǵan mehir-muhabbatın, ózine bolǵan isenimin jáne de arttırıwǵa shaqırıp qaldı. Iláj elimizdiń ǵárezsizligi hámde onıń mámleketlik belgilerine bolǵan muhabbattı hár tárepleme keń úgit-násiyatlawǵa xızmet etti. Ózbekstan Respublikasınıń Mámleketlik gimni, óz gezeginde, hár bir puqaranıń qálbinde ǵárezsizlik, birlik hám elimizdi rawajlandırıw ushın kúshli bir talpınıwdı oyatıwǵa xızmet qılıp atır. Usı sıyaqlı ilájlar jaslarǵa Ózbekstannıń keleshegin qurıwda belsene qatnasıw ushın kúsh hám ilhám beredi. Sonıń menen birge iláj hár bir oqıw auditoriyasında da dawam etti. Sabaq baslanbay turıp, oqıtıwshılar hám student-jaslar gimndi birgelikte atqardı.