SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Komitet baslıǵınıń másláhátshisi student qızlar menen ushırastı

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialına Ózbekstan Respublikası veterinariya hám sharwashılıqtı rawajlandırıw mámleketlik komiteti baslıǵınıń mámleketlik tili boyınsha másláhátshisi M.Abdukarimova kelip, direktor A.Esimbetov penen sáwbetlesiw alıp bardı. Alıp barılǵan sóylesiwler dawamında filialdaǵı oqıw processleri, oqıtıwshılar hám qábiletli student-jaslardıń taraw boyınsha alıp barıp atırǵan ilimiy izleniwleri, erisilip atırǵan unamlı nátiyjeler tuwarlı sóz etildi. Sáwbetlesiw payıtında komitet basshıllarınıń filialdı hár tárepleme qollap-quwatlap kiyatırǵanlıǵı ayrıqsha atap ótildi. Filial direktori A.Esimbetov 15-oktyabr «Xalıqaralıq awıl hayalları kúni» múnásibeti menen shólkemlestirilgen ilájdaǵı qatnası ushın komitet basshılları hám miymanlarǵa minnetdarshılıq bildirdi.

Bunnan soń komitet baslıǵınıń mámleketlik tili boyınsha másláhátshisi M.Abdukarimova filialda bilim alıp atırǵan student-qızlar menen ushırastı. Ushırasıwdı oqıw isleri boyınsha direktor orınbasarı kiris sózi menen ashıp berdi. Iláj dawamında miyman sózge shıǵıp, búgingi kúnde mámleketimizde gender siyasatı máselesine ayrıqsha itibar qaratılıp, usı siyasat sheńberinde hayal-qızlardıń jámiyettegi statusın jáne de arttırıw boyınsha alıp barılıp atırǵan keń kólemli jumıslar, hayal-qızlardı joqarı bilimlendiriwge qamtıp alıw maqsetinde olar ushın jaratıp berilip atırǵan jeńillikler haqqında toqtaldı.

Qızlar menen alıp barılǵan ashıq sáwbetlesiw dawamında M.Abdukarimova óziniń ómirlik hám is tájiriybesi menen ortaqlastı. Studentlerge sapalı bilim alıwı, iygilikli insanıy paziyletlerge iye bolıwǵa umtılıwları, ózlerin hár tárepleme tárbiyalap barıwları kerek ekenligi boyınsha paydalı usınıslardı berip ótti. Turmıstaǵı ómirlik mısallar hám hayal-qızlarǵa arnalǵan ájayip qosıq qatarların keltirip ótti. Usı ushırasıw student-qızlarǵa shın mánisinde motivaciya baǵıshladı.