Muǵallimler hám ustazlar kúni múnásibeti menen direktor qutlıqlawı
Assalawma aleykum, áziz ustazlar hámde filialımızdıń pidáyı professor-oqıtıwshıları. Bársheńizdi 1-oktyabr -Muǵallimler hám ustazlar kúni bayramı menen shın kewilden qutlıqlayman. Bul ullı áyyam hár jılı mámleketimizde úlken shadlıq penen keń túrde belgilenip kelmekte. Oqıtıwshı dańqlı kásip ekenligin bárshemiz júdá jaqsı bilemiz. Bul dańqlı kásip iyelerin qansha húrmetke bólesek, sonsha az bolıp túyiledi. Olardıń jelkesinde keleshegimiz iyeleri bolǵan jas áwladtı tárbiyalaw sıyaqlı áhmiyetli bir wazıypa bar. Húrmetli Prezidentimiz Shavkat Miromonovich Mirziyoev bul kásip iylerine usınday táriyp bergen edi: "Jámiyetimizde oqıtıwshılardıń ornı hám tásiri artsa-mekteptiń abıroyı artadı, ilim-pán, tálim hám tárbiya tarawınıń qádiri kóteriledi. Muǵallimniń abıroy itibarı bolsa bul millettiń, pútkil xalıqtıń abıroy-itibarı bolıp tabıladı". Haqıyqatında da hár birimizdiń óz kásibimizdiń jetik qánigesi bolıp, jámiyette óz ornımızdı tabıwımızda olardıń ornı girewli. Insan qanday mártebe hám dárejege erispesin, ol álbette mektepte ápiwayı muǵallimnen bilim alǵan boladı. Tiykarında bul" ápiwayılıq sózinde aǵla insanıy pazıyletler jatadı. Ustazlar bizge tálim hám tárbiya beredi, jáne de ómirde óz ornımızdı tabıwımızda ózleriniń úlken úlesin qosadı. Biraq bunıń esesine oqıwshılarınan minnetdarshılıq yamasa itibar kútpeydi. Mine olardıń ápiwayı ullılıǵı usıdan ibarat. Házirgi waqıtta respublikamızdaǵı joqarı oqıw orınlarında kóplegen professor-oqıtıwshılar jemisli miynet etip kelmekte. Olardıń eń ullı maqsetlerinen biri watanımızdıń keleshegi ushın jetik qánigelerdi tayarlap beriw. Oqıtıwshılar bunday juwapkershilikli wazıypanı sadıqlıq penen bejerip kelmekte. Usı orında ózimizdiń filialdan kelip shıǵıp aytatuǵın bolsam, házirgi kúnde 16 bakalavr bilimlendiriw baǵdarları hám 6 magistratura qánigeliklerinde 1 fakultette 4 kafedra professor-oqıtıwshıları óziniń miynetli jemisin kórsetip kelmekte.
Filialda professor-oqıtıwshılar jámi 55 bolıp, sonnan úshewi ilim doktorı, ekewi professor, 17 ilim kandidatlari, filosofiya ilimleri doktorı (PhD), tórt docent studentlerge sapalı bilim berip kelmekte. Filial professor-oqıtıwshıları tárepinen joqarı dárejedegi Scopus hám Web of Sciense bazasındaǵı jurnallarda 10, Impact Factor joqarı kórsetkishlerdegi jurnallarında 30 Milliy jurnallarda 22, Xalıqaralıq jurnallarda 25, Respublikalıq jáne JOO konferenciyalarında 41 maqalası jarıq kórgen. Filial professor-oqıtıwshıları tárepinen jámi 4 xalıqaralıq dárejedegi ilimpazlar menen ilimiy-izertelew patentler alındı. Filial professor-oqıtıwshıları tárepinen házirge kelip 24 atamadaǵı oqıw ádebiyatlar, sonnan 2 sabaqlıq, 4 monografiya, 8 oqıw qollanba, 7 oqıw-metodikalıq qollanbalar baspadan shıǵarıldı. Bolajaq jas veterinarlarǵa hár tárepleme sapalı bilim beriw ushın oqıtıwshılarımız bar imkaniyatın, kúsh-ǵayratın sarıplawǵa isenimim kámil. Olar barlıq waqıt jaslarǵa tálim-tárbiya beriwde belsene bolıp kelmekte. Meni jáne bir quwanıshqa bóleytuǵın tárepi olar barqulla óz jumısına professional jantasıw alıp barıwǵa tırısadı. Filial oqıtıwshılarınıń nátiyjeli miyneti múnásip bahalanıp, oqıtıwshımız Maxset Sagizbayev Qaraqalpaqstan Respublikası Joqarǵı Keńesi Prezidiumınıń qararına muwapıq, elimizdi hár tárepleme rawajlandırıw hám xalqımızdıń abadan turmısın támiyinlew jolındaǵı pidákerli miynetleri, jas áwladtı Watandı súyiwshilik hám ǵárezsizlik ideyalarına sadıqlıq ruwxında tárbiyalaw hámde olardı nawqıran, bilimli jaslar etip kamalǵa keltiriw jolındaǵı belsendiligi ushın “Watan pidayısı” kókirek belgisi menen sıylıqlandı. Filial oqıtıwshılarına bolǵan bunday itibar álbette bizdi quwanıshqa bóleydi. Ustazlar barlıq waqıt húrmetke bólenedi. Bizge bilim bergen ustazalarımızǵa tereń minnetdarshılıq bildiremiz. Ustazlar mehiri quyash nurı sıyaqlı qálbimizdi jılıtadı. Olar ushın shagirtleriniń jetiskenliginen basqa úlken shadlıq bolmaydı. Zamanagóy tálimdi de áyne usı kásip iyeleri rawajlandıradı. Pursattan paydalanıp, Respublikamızdıń eń ardaqlı kásip iyeleri bolǵan muǵallim hám ustazlardı, usı orında filialda miynetli jemis kórsetip kiyatırǵan professor-oqıtıwshılardıbúgingi bayram menen shın kewilden
qutlıqlayman. Hár birińizdiń shańaraǵıńızǵa amanlıq tileymen. saw-salamatlıqta juwapkershilikli wazıypańızdı atqarıp júriw nesip etsin. Hámiyshe dańqlı kásibińizden kamal tabıńlar. Bayramıńız múbárek áziz ustazlar.
Húrmet penen filial direktorı,
professor Esimbetov Adilbay Tlepovich
скачать dle 12.1
Telefon
E-mail
