Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Hayal-qızlar máseleleri boyınsha másláhatshiler hám tyutorlar ushın seminar ótkerildi
Usı jıldıń 18-sentyabr kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında Hayal-qızlar máseleleri boyınsha másláhatshiler hám tyutorlar ushın seminar bolıp ótti. Usı ilájda Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń bas qánigesi X.Nezamatov, Islam civilizaciyası orayınıń ilimiy xızmetkeri A.Yaxshibaev, Respublika úgit-násiyat toparınıń aǵzası, filologiya ilimleri boyınsha filosofiya doktorı (PhD), docent, Q.Mambetov, Filial hám Nawayı mámleketlik kánshilik hám texnologiyalar universiteti janındaǵı Nókis kánshilik institutınıń Jaslar menen islesiw, ruwxıylıq hám aǵartıwshılıq bólimi xızmetkerleri, Hayal-qızlar máseleleri boyınsha másláhatshiler hám tyutorlar qatnastı.
«Veterinariya hám zooinjeneriya» fakulteti dekanı A.Kaniyazov ilájdı ashıp berip, usı seminardıń maqsetine toqtaldı. Seminar dawamında bayanatshılar tárepinen jámiyet turmısında áhmiyetli rol oynaytuǵın student-jaslardı túrli jat ideyalardan qorǵaw, tuarqlı túrde olardaǵı ruwxıy boslıqtı toltırıp barıw, sociallıq-ruwxıy oratlıqtı salamatlastırıw, studentlerdi milliy qádiriyatlar tiykarında tárbiyalaw, ásirese, qızlardıń sanasına xalqımızdıń ótmishi, qádiriyatları hám mádeniyatın sáwlelendiriwshi milliy libaslarımızdıń qádir-qımbatın sińdiriw sıyaqlı áhmiyetli temalar boyınsha tolıq túsinikler berildi. Topar tyutorlarına student-jaslar menen jumıs alıp barıwda nelerge itibar qaratıw lazım ekenligi, olar menen doslıq múnásibetlerin ornatıw boyınsha usınıslar berip ótildi. Hayal-qızlar máseleleri boyınsha másláhatshilerge student-qızlar menen kóbirek ashıq sáwbetlesiw alıp barıw, olardıń ózin tutıwı hám turaqlı túrde ádep-ikramlılıq qaǵıydalarına boysınıwǵa shaqırıp turıw másláhat etildi. Qatnasıwshılar seminar dawamında dodalanǵan máseleler boyınsha tolıq maǵlıwmatlarǵa iye boldı.
Málimleme xızmeti
