SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qaraqalpaqstanda test sınaqları dawam etpekte

Áyne kúnlerde Respublikamızda 2024-2025-oqıw jılı ushın joqarı hám professional bilimlendiriw mákemelerine oqıwǵa kiriw test sınaqları bolıp ótpekte. Paytaxtımızdaǵı Olimpiya hám paralimpiya sport túrlerine tayarlaw orayında abiturientlerdiń test tapsırıw processleri ádil tárizde alıp barılmaqta. Usı bina aymaǵında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń tiyisli juwapkerleri tárepinen abiturientler hám olardıń ata-anaları ushın zárúr sharayatlar jaratıp berilmekte.

Búgin test sınaqlarınıń úshinshi kúninde Qaraqalpaqstan Respublikası Ministrler Keńesi Baslıǵınıń Jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı B.Ótemuratov, filial direktorı A.Esimbetov test processleri hám ata-analar ushın shólkemlestirilgen kútiw orınları menen jaqınnan tanısıp, abiturientlerdiń ata-anaları menen sáwbetlesiw alıp bardı.

Qaraqalpaqstan RpubliasıMistrler Keńesi Baslıǵınıń orınbasarı B.Ótemuratov óz sózinde búgi kúnde mámleketimizde jaslardı joqarı bilimlendiriwge qamtıp alıw boyınsha alıp barılıp atırǵan jumıslar hám iygilikli baslamalar, test sınaqlarınıń ádalatlı hám ashıq-aydın ótiwin támiyinlewge qaratılıp atırǵan ayrıqsha itibar haqqında toqtalıp, bárshe abiturientlerge áwmet tiledi. Maǵlıwmat ornında, Qaraqalpaqstan Respublikasında test sınaqları 5 binada bolıp ótpekte