SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Evropaǵa baratuǵın «Keleshek jasları» komandası aqshalay sıylıqlanadı

Aldın xabar bergenimizdey, filialımızdıń qábiletli student-jaslarınan dúzilgen «Keleshek jasları» komandası «Jaslar hám innovaciyalıq awıl xojalıǵı» kórik-tańlawında sıylı birinshi orındı iyelep, Evropaǵa sayaxat jollanbasın qolǵa kirgizgen edi. Búgin májilisler zalında jeńimpazlardı qutlıqlaw ilájı bolıp ótti. Onda filial direktorı Adilbay Esimbetov sózge shıǵıp, bul jańalıq pútkil filial jámááti hám student-jaslarına úlken quwanısh úleskenin atap ótip, hámmeni qızǵın qutlıqladı.

—Bul jetiskenligimiz filial tariyxına úlken háripler menen mórlenedi—deydi direktor A.Esimbetov—tańlaw shólkemlestiriwshilerine hám studentlerine júdá minnetdarman. «Nókis» xalıqaralıq aeroportında olardı kútip alǵanımızda, átiraptaǵılardıń háwes penen qarap, shın kewilden qutlıqlaǵanı qálbimdi sheksiz quwanıshka bóledi. Ásirese, olar arasında Shaxida Qarlıbayevanıń tırısqaqlıǵın ayrıqsha atap ótemiz.
Bunnan soń basqalar sózge shıǵıp, bul jańalıq penen hámmeni qutlıqlap, iygilikli tileklerin bildirdi. Filialdıń abıroyın jáne de arttırıw jolında awızbirshilikte háreket qılıw kerek ekenligi atap ótildi. Filial direktorı jeńimpazlardı jáne bir márte qutlıqlap, aqshalay sıylıq beriliwin ayrıqsha aytıp ótti. Álbette, úlken jetiskenlikti alıp kelgen jaslardı múnásip tárizde sıylıqlaw basqa studentlerge motivaciya boladı.