SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerdiń kompyuter sawatlılıǵın arttırıw maqsetinde tańlaw ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Ekonomika hám gumanitar pánler» kafedrasınıń assistent-oqıtıwshısı B.Nasirov tárepinen student-jaslar arasında kompyuter sawatlılıǵın jáne de arttırıw, málimleme texnologiyalarına qızıǵıwshılıǵı joqarı bolǵan jaslardı tartıw, bilim hám kónlikpesin qáliplestiriw maqsetinde tańlaw ótkerildi. filialında «Ekonomika hám gumanitar pánler» kafedrasınıń baslıǵı P.Xojalepesov sózge shıǵıp, usınday ilájlardı shólkemlestiriwden gózlengen tiykarǵı maqsetke toqtalıp, qatnasıwshılarǵa áwmet tiledi. Tańlaw dawamında studentler Power Point programmasında islew boyınsha bellesti. Qatnasıwshılar túrli animaciyalardan paydalanǵan halda slaydlardı tayarlap kórsetti. Bunda olar tiykarınan dawıs, tekst, túrli effektler hám reńlerge itibar karattı.

— Studentlerdiń málimleme texnologiyalarına bolǵan qızıǵıwshılıǵın jáne de arttırıw maqsetinde tańlaw shólkemlestirdik —olardı qamtıp alıw ushın dáslep ápiwayı temalar sheńberinde ótkerip, basqıshpa-basqısh qıyınlastırıp baramız. Tańlaw qatnasıwshıları belsendilik kórsetip, óz bilimlerin júzege shıǵarıwǵa háreket qıldı. Tańlawdıń juwmaqlawshı nátiyjelerine kóre, 1-kurs studenti A.Saburov 1-orındı qolǵa kirgizdi. 2-orındı bolsa 1-kurs studenti I.Aminov iyeledi, 1-kurs studenti J.Tojibaev hám M.Biysenbaevqa 3-orın nesip etti. Jeńimpazlar diplom menen sıylıqlandı. Student-jaslardıń bos waqıtı mazmunlı tárizde ótti.