Filialda chorvachilikni rivojlantirishga qaratilgan o‘quv kursi boshlandi
20 апр 2026
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Student qızlar milliylik hám náziklik tańlawında bellesti
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń «Veterinariya hám zooinjeneriya» fakulteti student qızları arasında «Qızlar hám milliy libaslar moda álemi» atamasında kórik-tańlaw bolıp ótti. Iláj basında hayal-qızlar máseleleri boyınsha direktor másláhatshisi G.Kazaxbaeva hám «Veterinariya hám zooinjeneriya» fakulteti hayal-qızlar máseleleri boyınsha dekan másláhatshisi Z.Dawletovalar sózge shıǵıp, qızlardıń bar názikligin, milliyligi hám qábiletin júzege shıǵarıwda usı sıyaqlı tańlawlardıń áhmiyeti úlken ekenligi haqqında toqtaldı. Tańlawǵa kúndizgi hám sırtqı bólimde bilim alıp atırǵan student qızlar qatnastı.
Olar jámi 5 shárt boyınsha bellesti. Milliylikti ózinde sáwlelendirgen shártlerdi orınlaw dawamında qatnasıwshılardıń qálbinde quwanısh hám maqtanısh sezimleri payda bolǵan bolsa ájep emes. Student-qızlar milliy libaslar kórgizbesi shártinde sahnada milliy libaslarda jáne de shırayǵa dónip, zalda jıynalǵanlardıń kewilin kóterdi. Qızlardıń tapqırlıǵı, aqılı hám házirjuwap ekeni iláj dawamında júzege shıqtı. Kórik-tańlaw juwmaǵında N.Xojambergenova sıylı birinshi orınǵa ılayıq dep tabıldı. A.Matekova ekinshi orındı iyelegen bolsa, , S.Qalbaeva óz ziyrekligi menen úshinshi orındı qolǵa kirgizdi. Jeńimpazlarǵa diplom hám estelik sawǵaları tapsırıldı. Iláj dawamında tábiyat qushaǵında milliy libaslar kórgizbesi shólkemlestirildi.
Málimleme xızmeti
