SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Ustazım –ómirim shıraǵı” temasında sáwbetlesiw ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar qatnasıwında “Ustazım –ómirim shıraǵı” temasında sáwbetlesiw ótkerildi. Usı ilájda «Veterinariya medicinası hám azıq-awqat qáwipsizligi» hám «Haywanlar anatomiyası, fiziologiyası hám bioximiyası» kafedrasınıń oqıtıwshıları, Málimleme-resurs orayı xızmetkerleri hámde student-jaslar qatnastı. Ilájda «Veterinariya medicinası hám azıq-awqat qáwipsizligi» kafedrasınıń úlken oqıtıwshısı, biologiya ilimleri boyınsha filosofiya doktorı (PhD) D.Bazarbaeva sózge shıǵıp, ustaz bárshemizge aǵartıwshılıq zıyasın úlesip, bizlerdi úlken ómirge baǵdarlaytuǵın, girbińsiz arzıwlarımızdı ámelga asırıwda jaqınnan kómek beretuǵın, insanlar ekenin ayrıqsha atap ótip, óziniń ómir hám ilimde jol-joba kórsetken ustazları, olardıń altınǵa teń úgit-násiyatları haqqında aytıp berdi.
—Siz studentler maǵan ustaz dep múrájat etip meni húrmetke bóleysiz, meniń de sizler sıyaqlı ardaqlaǵan ustazlarım bar —deydi D.Bazarbaeva. Olarǵa bolǵan qálbimdegi minnetdarshılıq sezimin ápiwayı sózler menen táriyplep bere almayman. Bul insanlar, ómirimdi, qálbimdi ilim, zıya hám aǵartıwshılıq nurı menen jarıtqan. Hár bir tabısqa erisken insan álbette, ápiwayı muǵallimniń násiyatların, keńeslerin alıpkámalǵa jetken
Iláj dawamında student-jaslarǵa ustazlar–ómirimiz shıraǵı ekenligi, olardı qanshama ardaqlasaq, húrmetke bólesek azday seziliwi boyınsha túsinikler berildi. D.Bazarbaeva ustazlarınıń atların sanap ótip, olardıń bergen tálim hám tárbiyası ómiri dawamında joldası bolıp kiyatırǵanı, ustazlardıń gápin eki qılmay, húrmetin ornına qoyǵanı ushın búgin ózi de ustaz dárejesine jetip, ulıǵlanıp atırǵanı haqqında maqtanısh penen aytıp ótti. Iláj qatnasıwshıları menen alıp barılǵan sáwbetlesiw dawamında studentler de sózge shıǵıp, ózleriniń pikirlerin bildirdi.