SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ádebiy-ruwxıy háptelik sheńberinde esabat koncert baǵdarlaması ótkerildi

Bunnan aldın ádebiy-ruwxıy háptelik sheńberinde «Milliy qádiriyatlar seyili» ótkerilgenligi haqqında xabar bergen edik. Usı jıldıń 24-may kúni “Istiqlol” balalar dem alıw orayında usı háptelik sheńberinde esabat koncert baǵdarlaması bolıp ótti. Onda professor-oqıtıwshılar, tyutorlar hám student-jaslar qatnastı.

Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov iláj basında sózge shıǵıp, joqarı oqıw orınlarında ádebiy-ruwxıy háptelik sheńberinde shólkemlestirilgen ilájlar jaslar mánáwiyatın jáne de jetilistiriwde hám olardıń bos waqıtların mazmunlı hámde maqsetli shólkemlestiriwde áhmiyetli ekenligi haqqında toqtaldı. Bunnan soń student-jaslar tárepinen qızıqlı koncert baǵdarlaması qoyıp berildi. Koncert dawamında jaǵımlı hawazǵa iye studentler tárepinen shoq qosıqlardıń janlı tárizde aytılıwı, gózzal qızlar atqarıwındaǵı ájayip ayaq oyınları, qızıqlı shıǵıwlar bayram ilájına jáne de payız baǵıshladı.

Qıyabanlarda ótkerilip atırǵan bayram ilájları student-jaslardı iygilikli ideyalardı ámelge asırıwda, búgingi párawan hám tınısh turmısımızdıń qádirin jáne de tereńirek ańlap jetiwge, ruwxıy dún'yasın bunnan bılayda bayıtıp barıwda áhmiyetli faktor bolıp xızmet qıladı. Filial student-jasları qatnasıwında “Istiqlol” balalar dem alıw orayında ótkerilgen esabat koncert baǵdarlaması bárshege xoshkeypiyat baǵıshladı.